کیا آپ جاپان کے سمورائی جنگجوؤں کے بارے میں جانتے ہیں؟
سمورائی ایک زمانے میں جاپان کا طاقتور ترین اور انتہائی بااثر طبقہ تصور کیا جاتا تھا۔ یہ طبقہ اپنی جنگجوئی اور بہادری کے لیے مشہور تھا۔
انیسویں صدی کے اواخر میں جاپانی شہنشاہ میشی نے جدید فوجی ضروریات کے تحت جدید افواج اور اسلحہ پر انحصار بڑھانے کے لیے ان کے اثر و رسوخ کا مکمل خاتمہ کر دیا تھا۔
لیکن کیا واقعی یہ جنگجو ختم ہوگئے؟ کم از کم جاپان کے دارالحکومت ٹوکیو میں تو یہ اب بھی سڑکوں پر گھومتے پھرتے نظر آتے ہیں۔
اور آپ جان کر حیران رہ جائیں گے کہ اب یہ لڑائی بھڑائی میں حصہ نہیں لیتے، بلکہ شہر کا کچرا صاف کر کے دوسرے شہریوں کو بھی صفائی رکھنے کی ترغیب دیتے ہیں۔
دراصل یہ اصل سمورائی نہیں ہیں، بلکہ ان کا روپ دھارے ہوئے علامتی جنگجو ہیں جو اپنے شہر کے کچرے کے خلاف برسر پیکار ہیں۔
یہ جہاں کہیں بھی کچرا دیکھتے ہیں وہاں سے سمورائیوں کے قدیم انداز میں اٹھانا شروع کردیتے ہیں۔ ان لوگوں سے متاثر ہو کر آس پاس موجود افراد بھی ان کے ساتھ کچرا اٹھانا شروع کر دیتے ہیں۔
渋谷のゴミ拾い凄い pic.twitter.com/uR2X475xZu
— ERA (@ERA1140) February 21, 2016
اپنے کام کے ذریعہ یہ جدید سمورائی نہ صرف جاپان کی آلودگی و گندگی بلکہ دیگر ماحولیاتی مسائل کی طرف بھی توجہ دلانا چاہتے ہیں۔
