بیجنگ : چین کےمشرقی علاقے کےایک گاؤں میں حکومت کی جانب سےزیادہ معاوضہ حاصل کرنے کے لیے160 جوڑوں نے طلاق لینے کا فیصلہ کرلیا۔
تفصیلات کےمطابق مشرقی چین کےجیانگسوصوبے میں ایک ہائی ٹیک ڈیویلپمنٹ زون بنایاجاناہےجس کےلیےاس گاؤں میں مقیم لوگوں کےگھروں کومنہدم کیا جارہاہے۔
جیانگسو صوبے میں موجود اس گاؤں کے لوگوں کامانناہےکہ اگر وہ طلاق لے کر اکیلےشخص کے طور پر دعوی کرتے ہیں توانہیں ایک اور گھر مل سکتا ہے۔اس کے علاوہ انہیں کم از کم19 ہزار ڈالرکا اضافی معاوضہ بھی ملےگا۔
گاؤں میں مقیم افراد کا کہناہےکہ ایک خاندان کو معاوضے میں 220 مربع میٹر کاگھر ملے گا،جبکہ طلاق کےبعد باہرجانے والے شخص کو70مربع میٹر کا اضافی گھر اور معاوضہ ملےگا۔گاؤں کےکچھ جوڑے تو 80 سال سے بھی زیادہ عمر کے ہیں۔
واضح رہےکہ ابھی تک یہ واضح نہیں ہے کہ آیا گاؤں والوں کے اس اقدام کا انہیں واقعی متوقع فائدہ ہوگایا نہیں ہوگا۔
