اسلام آباد : پاکستان اور چین کے درمیان باہمی تجارت کا حجم گزشتہ مالی سال کے اختتام پر تیرہ ارب ستتر کروڑ ڈالر ہوگیا، جس کے بعد گزشتہ دس سال کے دوران پاک چین تجارتی حجم میں 9.77 ارب ڈالر کا اضافہ ہوگیا۔
وزرات تجارت کے مطابق مالی سال گزشتہ مالی سال پاکستان سے چین کو کی جانے والی برآمدات کا حجم ایک ارب انہتر کروڑ ڈالر ہوگئیں، اسی عرصہ کے دوران چین کی جانب سے پاکستان کو کی جانے والی برآمدات کا حجم بارہ ارب ڈالر سے زائد ہوگیا ہے۔
مالی سال 2007 – 2006 میں پاک چین دو طرفہ تجارت کا حجم 4 ارب ڈالر تھا۔
دس سال میں پاک چین باہمی تجارت کے حجم میں9 ارب 77ارب ڈالر کا اضافہ
وزرات تجارت کی رپورٹ کے مطابق مالی سال 2006-07 ءمیں برآمدات کا حجم 575 ملین ڈالر تھا جو گزشتہ مالی سال کے اختتام پر 1.69 ارب ڈالر تک بڑھ گیا، اسی عرصہ کے دوران چین کی جانب سے پاکستان کو کی جانے والی برآمدات کا حجم 3.5 ارب ڈالر سے 12.1 ارب ڈالر تک پہنچ گیا ہے۔
گزشتہ دس سال میں پاک چین باہمی تجارت کےحجم میں نو ارب ستترارب ڈالر کا اضافہ ہوا۔
ماہر ین کے مطابق سی پیک کی تکمیل سے پاک چین اقتصادی رابطوں اور باہمی تجارت میں مزید استحکام آئے گا، جس سے قومی برآمدات کے فروغ میں مدد ملے گی اور اقتصادی راہداری منصوبے سے چین کے علاوہ خطے کے دیگر ممالک کے ساتھ بھی اقتصادی رابطوں میں اضافہ سے قومی معیشت کی ترقی میں مدد ملے گی۔
