کراچی: ترجمان کے الیکٹرک نے کہا ہے کہ پورے ملک میں قائم یونیفارم ٹیرف پالیسی کے تحت بجلی کے نرخ لیے جارہے ہیں، صارفین کے لیے نرخوں میں کوئی ردوبدل نہیں کیا گیا، مہنگی بجلی کا تاثر غلط ہے، اوور بلنگ کے الزامات کو رد کرتے ہیں۔

جماعت اسلامی کی جانب سے الزامات کا جواب دیتے ہوئے ترجمان کے الیکٹرک نے کہا کہ کراچی میں مہنگی بجلی کا تاثر دینا بالکل غلط ہے، صارفین کی بلنگ ضابطے اور قوانین کے تحت کی جاتی ہے۔

ترجمان کے الیکٹرک نے کہا ہے کہ صارفین کے لیے نرخوں میں کوئی ردوبدل نہیں کیا گیا، پورے ملک میں یونی فارم ٹیرف پالیسی کے تحت فی یونٹ کی قیمت یکساں ہے، اوور بلنگ کے حوالے سے لگائے جانے والے الزامات کورد کرتے ہیں۔

پڑھیں: ’’ کے الیکٹرک کے خلاف احتجاج، جماعت اسلامی کے کارکنان رہا ‘‘

کے الیکٹرک کے ترجمان کا کہنا ہے کہ بہترکارکردگی کے باعث شہر 61 فیصد حصہ لوڈشیڈنگ سے مستشنیٰ ہے، شہر میں اس وقت معمول کے مطابق بجلی کی فراہمی جاری ہے اور صارفین کو اچھی سہولیات فراہم کرنا ہماری اولین ترجیح ہے۔