ریاض: سعودی حکومت نے عمرہ ادائیگی کے لیے سیزن میں ایک ماہ کا اضافہ کردیا تاکہ زیادہ سے زیادہ مسلمان مقدس فریضہ ادا کرسکیں۔
عرب نیوز کے مطابق سعودی عرب کی وزارت حج وعمرہ نے عمرہ سیزن میں ایک ماہ کا اضافہ کر دیا ہے جس کا مقصد مسلمانوں کو عمرے کی ادائیگی کے لئے مزید مواقع فراہم کرنا ہے۔سعودی حکومت کی جانب سے توسیع کے بعد اب عمرہ سیزن پندرہ رمضان کی بجائے 15 شوال کو ختم ہوگا۔
سعودی عرب کی وزارت حج اور عمرہ نے عمرہ سیزن کی مدت 10جون(15 رمضان المبارک) سے بڑھا کر10جولائی(15 شوال) کر دی ہے۔ حکام کے مطابق 2016 ء میں 6.4 ملین ویزے جاری کئے گئے تھے جو 2015ء کی نسبت7فیصد زیادہ تھے جبکہ 2015 میں 6 ملین ویزے جاری کیے گئے تھے۔
گزشہ برس جاری کیے جانے والے ویزوں میں سب سے زیاد زائرین کی تعداد مصر سے تھی جبکہ رواں برس بھی 2016ء میں گزشتہ برس کے مقابلے میں 17فیصد زیادہ ویزے جاری ہوئے تھے۔
دوسری جانب دو سالوں میں دوسرے نمبر پر آنے والے اسلامی ممالک میں پاکستان کا نام ہے جس کو 9 لاکھ 91 ہزار جبکہ انڈونیشیا کو سات لاکھ ویزے جاری کیے گئے تھے۔
یاد رہے رمضان المبارک کے ابتدائی 15 ایام تک سعودی حکومت غیرملکی زائرین کو عمرے کی ادائیگی کے لیے ویزے جاری کرتی تھی تاہم 15 رمضان کے بعد عوام کا رش بڑھنے کے سبب اس سلسلے کو گزشتہ کئی برسوں سے روکا ہوا تھا۔
یہ پڑھیں: سعودی عرب: غیرقانونی مقیم افراد کو 3 ماہ میں ملک چھوڑنے کی رعایت
یاد رہے رمضان المبارک کے ابتدائی 15 ایام تک سعودی حکومت غیرملکی زائرین کو عمرے کی ادائیگی کے لیے ویزے جاری کرتی تھی تاہم 15 رمضان کے بعد عوام کا رش بڑھنے کے سبب اس سلسلے کو گزشتہ کئی برسوں سے روکا ہوا تھا۔
