اسلام آباد: وزیر اعظم نواز شریف نے ٹیکسٹائل پیکج پر عمل درآمد نہ ہونے کا نوٹس لیتے ہوئے متعلقہ اداروں سے رپورٹ طلب کرلی۔
تفصیلات کے مطابق وزیر اعظم نے 10 جنوری کو برآمدات میں اضافہ کے لیے 180 ارب روپے کے ٹیکسٹائل پیکج کا اعلان کیا تھا۔
ٹیکسٹائل پیکج میں ایکسپورٹرز کو مشینری کی درآمدات، ری فنڈ کی فوری ادائیگی اور مختلف ٹیکسز میں چھوٹ دی گئی تھی۔ وزیر اعظم نے ٹیکسٹائل ملز مالکان سے ملاقات کے بعد 180 ارب روپے کے مراعاتی پیکج کا اعلان کیا تھا۔
تاہم 100 دن بعد بھی اس پیکج پر عمل درآمد شروع نہیں ہوا جس کا وزیر اعظم نے نوٹس لے لیا۔
- Advertisement -
وزیر اعظم نے وزیر خزانہ اسحٰق ڈار کو معاملے کا جائزہ لے کر درآمدات یقینی بنانے کی ہدایت جاری کردی ہے۔
