میلبرن : آسٹریلیا کی دیوہیکل بلی برطانوی بلی سے دنیا کی سب سے بڑی بلی کاخطاب چھیننے میدان میں آگئی۔
اومار نامی بلی میلبرن کی اسٹیفی کی ہے جن کی خوبصور ت بلی کو دیکھ کر گینز ورلڈ ریکارڈ کی ٹیم نے ان سے رابطہ کیا اور اس کے قد کاٹھ کی پیمائش منگوائی، اسٹیفی نے چند روز پہلے پالتو بلی کا اکاؤنٹ بناکر تصاویرشیئر کیں، جسے دیکھ کر لاکھوں افراد دیوانے ہوگئے تھے ۔
- Advertisement -
اسٹیفنی کا کہنا ہے کہ میری بلی عام بلیوں کی طرح تھی لیکن اچانک اس کا وزن بڑھنے لگا اور 22 پاؤنڈ ہوگیا، اب بلی کا وزن 31 پاؤنڈ ہے اور اسکی لمبائی 3 فٹ 11 انچ ہے۔
دنیا کی سب سے بڑی بلی ہونے کا خطاب برطانوی بلی لوڈو کے پاس ہے، جس کی لمبائی تین فٹ دس انچ ہے لیکن اب لگتا ہے لوڈو اس خطاب کو کھونے والی ہیں۔
کون ہوگی دنیا کی سب سے بڑی بلی اس بات کا اعلان جلد ہوجائے گا۔