اسلام آباد : پی ٹی آئی کی رہنما شیریں مزاری کا گورنر خیبر پختونخواہ ظفر اقبال جھگڑا سے جھگڑا ہوگیا۔ پی ٹی آئی کی خاتون رہنما گورنر کے پی کے اقبال ظفر جھگڑا پر برس پڑیں۔
پارلیمنٹ ہاؤس کے باہر گاڑی کو پارک کرنے کے معاملے پر تلخ کلامی ہوگئی، شیریں مزاری نے اقبال ظفر جھگڑا سے کہا کہ آپ کے اسکواڈ نے میری گاڑی کو ٹکر ماری ہے۔
اپنے لوگوں کو کچھ تمیز سکھائیں۔ شیریں مزاری نے اونچی آواز میں کہا کہ آپ کی گاڑی پر نمبر پلیٹ بھی نہیں لگی ہوئی تھی جو بہت ہی غلط بات ہے ،یہ بد تمیزی ہے اگر آپ گورنر ہیں تو دوسروں کی گاڑیوں کو ٹکریں ماریں گے؟ اپنے ڈرائیورز کو تمیز سکھائیں،۔
جواب میں گورنر خیبرپختونخوا ’’سنیے تو سنیے تو ‘‘کرتے رہ گئے۔ اس موقع پر اقبال ظفر جھگڑا نے وہاں موجود لوگوں کو مخاطب کرتے ہوئے کہا کہ ان کا طریقہ کار دیکھو، بعد ازاں شیریں مزاری بولتی ہوئی وہاں سے چلی گئیں۔
