منیلا: فلپائن کےدارالحکومت منیلا کے ایک کسینو میں مسلح حملہ آور کی فائرنگ اور گیمنگ ٹیبلز کو آگ لگانے کے نتیجے میں 34 افراد جان کی بازی ہارگئے۔
تفصیلات کےمطابق فلپائن کے مقامی میڈیاکاکہناہےکہ کسینومیں ہلاک ہونے والے زیادہ تر افراد حملہ آور کی جانب سےلگائی گئی آگ اور دھویں سے دم گھٹنے کے نتیجے میں ہلاک ہوئے۔
حملے کے وقت کمپلیکس میں موجود افراد اور عملے نے باہر نکلنے کی کوشش کی تاہم کئی افراد بھگڈر کی وجہ سے باہر نہ نکل پائے اور وہ دم گھٹنے سےہلاک ہوئے۔
انتظامیہ کی جانب سے جاری ہونے والے بیان میں کہا گیا کہ ہمیں متعدد زخمیوں اور ہلاکتوں کی اطلاع ملی ہےجن کی تعداد اورشناخت کے بارے میں بتانا ابھی باقی ہے۔
فلپائن میں داعش اورحکومتی فورسز میں جھڑپ‘ 105 ہلاک
واضح رہےکہ پولیس کا کہنا ہے کہ واقعہ رات گئے پیش آیام جبکہ مشتبہ حملہ آور کی لاش ہوٹل کےایک کمرے سے برآمد ہوئی۔
اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی وال پر شیئر کریں
