لندن: افغان جنگ کاحصہ رہنے والے برطانوی میجر نے کابل اور دہلی سرکار کے الزامات مسترد کر دیے۔ ان کا کہنا ہے کہ پاکستان پر افغانستان میں مداخلت کا الزام محض افسانہ ہے۔ آئی ایس آئی سے متعلق کوئی بھی ثبوت نہیں ملے۔
تفصیلات کے مطابق افغان جنگ میں حصہ لینے والے برطانوی میجر رابرٹ گیلیمور نے بھارتی سازش بے نقاب کردی۔
انہوں نے انکشاف کیا ہے کہ افغانستان میں پاکستان مخالف جذبات بھڑکانے میں بھارت ملوث ہے۔
برطانوی میجر نے کابل میں بڑھتے ہوئے بھارتی اثر و رسوخ کو خطے کے لیے خطرہ قرار دے دیا۔
- Advertisement -
میجر رابرٹ گیلیمور نے افغانستان میں پاکستانی مداخلت کے الزام کو افسانہ قرار دے دیا۔
انہوں نےکہا کہ وہ 3مرتبہ افغانستان میں تعینات رہے مگر آئی ایس آئی کی مداخلت کا کوئی ثبوت نہیں ملا۔
برطانوی میجر کا کہنا تھا کہ کابل میں پاکستان مخالف پروپیگنڈے کے لیے بیرونی فنڈنگ آرہی ہے۔
