ریاض: سعودی عرب اور مصر سمیت 7 عرب ممالک نے سیکیورٹی وجوہات پر قطر سے سفارتی تعلقات منقطع کر دیے۔
تفصیلات کےمطابق سعودی عرب ،متحدہ عرب امارات ،بحرین اور مصر نے سیکیورٹی وجوہات کی بناپر قطر کے ساتھ سفارتی تعلقات منقطع کر دیے۔
غیر ملکی خیر رساں ادارے کا کہنا ہے کہ سعودی عرب نے قطر کے ساتھ سرحدیں بھی بند کر دی ہیں جو ممکنہ طور پر سیکیورٹی صورت حال بہتر ہونے تک بند رہیں گی۔
بحرین نے قطرپر دہشت گردوں کی مدد اور اندورنی معاملات میں مداخلت کا الزام عائد کیاہےاور قطرکےشہریوں کو 14روز میں ملک چھوڑنے کی ہدایت کی ہے۔
دوسری جانب سعودی عرب نے قطرسے زمینی،ہوائی اور بحری رابطے منقطع کرنے کا اعلان کرتے ہوئےکہاہےکہ یہ اقدام قومی سلامتی کے پیش نظر اٹھایاگیا۔
ادھر قطرکی یمن میں مشترکہ فوجی کارروائی میں شرکت منسوخ کرتے ہوئےسعودی اتحادمیں شریک قطری فوجی دستوں کونکال دیاگیا ہے۔
واضح رہےکہ سعودی سربراہی میں قائم فوجی اتحاد نےقطرپرالقاعدہ اور داعش کی حمایت کا الزام عائد کیا ہے۔
اگرآپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اوراگرآپ کو یہ مضمون پسند آیا ہے تو اسے اپنی فیس بک وال پرشیئرکریں۔
