ریاض:سعودی عرب، متحدہ عرب امارات اور دیگر خلیجی ممالک میں چاند نظر آگیا، وہاں کل عید الفطر کل ہوگی۔
عرب میڈیا کے مطابق خلیجی ممالک میں چاند دیکھنے کے لیے سعودی عرب اور دبئی میں علیحدہ علیحدہ اجلاس منعقد ہوئے، چاند نظر آنے کی شہادتیں موصول ہونے کے بعد خلیجی ممالک نے کل یعنی اتوار کو عید الفطر کا اعلان کردیا۔
قبل ازیں سعودی عرب میں شہریوں سے اپیل کی گئی تھی کہ شہری چاند دیکھنے کے لیے دوربین اور سادہ طریقہ اپنائیں، چاند نظرآنے کی صورت میں قریبی سرکاری ادارے یا عدالت پہنچ کر شہادتیں قلم بند کرائیں۔
دیگر ممالک میں ملائشیا اور ہانگ کانگ میں بھی چاند نظر آگیا ہے۔
میڈیا رپورٹس کے مطابق برطانیہ، امریکا اور کینیڈا میں کیلنڈر پر عمل کرنے والی تنظیمیں اور مساجد اتوار کو عید منائیں گی جبکہ چاند دیکھ کر فیصلہ کرنے والی تنظیمیں آج اجلاس میں فیصلہ کریں گی۔
دریں اثنا پاکستان، بھارت اور بنگلہ دیش میں بھی عید کا چاند دیکھنے کے لیے اجلاسز کل معنقد ہوں گے۔
