کابل : دہشت گردی کے مختلف واقعات میں افغان پولیس کے پانچ افسران جاں بحق ہوگئے جب کہ افغان اتحادی افواج کی جانب سے ڈرون حملوں میں 8 طالبان جنگجو ہلاک ہوگئے ہیں.
تفصیکات کے مطابق افغانستان کے صوبے ہرات اورالفرح میں دو مختلف واقعات میں پیٹرولنگ پر مصروف پولیس افسران پر ریموٹ ڈیوائس بم کے ذریعے نشانہ بنایا گیا جس کے نتیجے میں پانچ اعلیٰ افسران جاں بحق ہو گئے ہیں جب کہ 6 اہلکار زخمی ہیں.
سیکیورٹی حکام کا کہنا ہے کہ امدادی کاموں کا آغاز کردیا گیا ہے اور زخمی اہلکاروں کو طبی امداد دی جا رہی ہے اور جائے وقوعہ سے ابتدائی شواہد جمع کی جا رہی ہیں تاہم ابھی تک کسی گروپ نے واقعے کی ذمہ داری قبول نہیں کی ہے.
دوسری جانب پیر رات کیے گئے افغان اتحادی افواج کی جانب سے صوبہ ننگرہار کے ضلع نازیان میں ڈرون حملے میں داعش کے 8 جنگجو ہلاک ہو گئے ہیں جن کا تعلق داعش خراسان سے بتایا جا رہا ہے۔