اشتہار

موسم کی خرابی: پیر13نومبر کو پی آئی اے کی پروازوں میں ردو بدل

اشتہار

حیرت انگیز

کراچی : ملک میں دھند اور اسموگ کی وجہ سے خراب موسمی صورتحال کے باعث13نومبر بروز پیر کو پی آئی اے کی چند پروازیں منسوخ اور کچھ کے شیڈول میں تبدیلی کی گئی ہے۔

ترجمان پی آئی اے نے کہا ہے کہ موسم کی غیر یقینی صورتحال کے باعث پی آئی اے اپنے شیڈول میں تبدیلی کر رہی ہے ۔ترجمان نے مسافروں سے کہا ہے کہ وہ ایئر پورٹ آنے سے پہلے پی آئی اے کے کال سینٹر کے نمبر111-787-786 سے اپنی مطلوبہ پرواز کے متعلق معلومات حاصل کریں۔

پیر13نومبر کو کراچی سے فیصل آباد کی دوطرفہ پروازیں پی کے342 اورپی کے342 ، لاہور سے کراچی کی پروازپی کے313 ، کراچی سے رحیم یار خان کی دو طرفہ پروازیں پی کے582 اور پی کے583 ، لاہور سے ملتان کی دوطرفہ پروازیں پی کے683 اور پی کے684 موسم کی خرابی کو پیش نظر رکھتے ہوئے منسوخ کر دی گئی ہیں۔

- Advertisement -

پی آئی اے کی کراچی سے ملتان ، اسلام آباد اور واپسی کی پروازیں پی کے588 اورپی کے589 دو گھنٹے پینتالیس منٹ کی تاخیر سے روانہ ہوں گی۔

فیصل آباد سے جدہ کی پروازپی کے763 اب کراچی سے جدہ کے لئے روانہ ہو گی، ابوظہبی سے رحیم یار خان اور لاہور آنے والی پرواز پی کے296 اب براہ راست ابوظہبی سے لاہور آئے گی۔

فیصل آباد اور کراچی کے درمیان دو طرفہ پروازیں پی کے340 اورپی کے341 اب کراچی اور لاہور کے درمیان چلائی جائیں گی، کراچی سے سکھر اور اسلام آباد کی پروازپی کے390 تین گھنٹے جبکہ اسلام آباد سے سکھر اور کراچی کی پروازپی کے391 دو گھنٹے تیس منٹ کی تاخیر سے روانہ ہو گی۔

لاہور سے اسلام آباد کی پرواز پی کے650 چار گھنٹے جبکہ اسلام آباد سے لاہور کی پرواز پی کے651 تین گھنٹہ تیس منٹ کی تاخیر سے روانہ ہو گی اور لاہور سے سکھر کی دوطرفہ پروازیںپی کے594 اورپی کے595 کی روانگی میں بھی چار گھنٹے کی تاخیر ہو گی۔

ترجمان کا کہنا ہے کہ موسم کی خرابی کی وجہ سے مسافروں کو ہونے والی زحمت پر پی آئی اے معذرت خواہ ہے۔

 

Comments

اہم ترین

محمد صلاح الدین
محمد صلاح الدین
محمد صلاح الدین اے آروائی نیوز سے وابستہ سینئر صحافی ہیں اور ایوی ایشن سے متعلقہ امور کی رپورٹنگ میں مہارت رکھتے ہیں

مزید خبریں