کیلی فورنیا: موبائل بنانے والی سب سے بڑی کمپنی ایپل نے اپنے فون کی فروخت کم ہونے کے بعد صارفین کو ایک بار پھر متوجہ کرنے کے لیے اہم قدم اٹھا لیا۔
تفصیلات کے مطابق گزشتہ سال دسمبر میں آئی فون صارفین نے شکایت کی تھی کہ ایپل کی جانب سے نئے موبائل سیٹ مارکیٹ میں فروخت کے لیے پیش کیے جانے کے بعد اُن کے پرانے موبائل کی رفتار سست ہوگئی۔
اس ضمن میں ایک صارف نے بلاگ بھی تحریر کیا تھا کے جس بعد ایپل کے پرانے فونز سے متعلق ایک نئی بحث کا آغاز ہوگیا تھا، صارف کا کہنا تھا کہ اس کے زیر استعمال سیٹ ’آئی فون 6‘ اچانک سست ہوگیا۔
مزید پڑھیں: موبائل کی رفتار کم کرنے سے متعلق آئی فون کا اعتراف
اس تمام تر صورتحال کے بعد آئی فون انتظامیہ نے خود اس بات کا اعتراف کیا تھا کہ وہ جان بوجھ کر پرانے موبائل کی رفتار کو کم کرتی ہے کیونکہ پرانے فونز میں لگائی جانے والی بیٹریاں وقت کے ساتھ ساتھ کمزور پڑ جاتی ہیں جبکہ صارفین ان کی معیاد کو بڑھانے کے لیے مختلف حربے استعمال کرتے ہیں۔
آئی فون کی جانب سے انکشاف کے بعد ایپل کے خلاف مقدمات بھی درج کیے گئے جبکہ بڑے پیمانے پر ان کی فروخت میں کمی بھی آئی تھی تاہم ایک بار پھر کمپنی نے صارفین کو متوجہ کرنے کے لیے ایک نیا قدم اٹھا لیا۔
ایپل استعمال کرنے والے صارفین اس بات سے بخوبی واقف ہیں کہ آئی او ایس پر کچھ ایپلیکشنز ہیں جو بالکل مفت استعمال کی جاسکتی ہیں جبکہ اکثر ایپس رقم کے عوض ہی حاصل کی جاسکتی ہیں۔
بھی پڑھیں: آئی فون ایکس میں بڑی خرابی سامنے آگئی
آئی فون کی جانب سے جاری اعلامیے کے مطابق اب صارفین مہنگی ایپلیکشن کو مفت ڈاؤن لوڈ کر کے استعمال کرسکتے ہیں ساتھ میں کمپنی نے اُن صارفین کو بھی خوشخبری سنائی ہے جن کے موبائل کسی بھی حادثے کا شکار ہوئے۔
ایپل کا کہنا ہے کہ ایسے تمام صارفین جن کے موبائل چھن گئے یا پھر کسی حادثے کے نتیجے میں متاثر ہوئے وہ بھی ایپل اسٹور سے تمام ایپلیکشن بالکل مفت حاصل کرسکتے ہیں۔
کمپنی کے ترجمان کا یہ بھی کہنا ہے کہ ’یہ پیش کش محدود مدت کے لیے ہے تاہم معیاد ختم ہوجانے والی ایپ حاصل کرنے کے لیے رقم ادا کرنا بھی ضروری ہوگی‘۔
اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔
