لندن: پاکستانی نژاد برطانوی باکسر عامر خان نے اپنی اہلیہ فریال مخدوم کے خلاف نازیبا کلمات ادا کرنے پر کینڈین باکسر فل لوگریکو کو سبق سکھا دیا۔
تفصیلات کے مطابق گزشتہ روز لندن میں عالمی شہریت یافتہ باکسرز نئی فائٹ کے حوالے سے پریس کانفرنس کرنے بیٹھے تو اسی دوران لوگریکو نے عامر خان کی اہلیہ اور اُن کی نجی زندگی کے بارے میں نازیبا کلمات ادا کیے۔
کینیڈین باکسر نے پاکستانی نژاد برطانوی باکسر کی حالیہ علیحدگی اور اُن کی اہلیہ کے دوسرے باکسر کے تعلقات پر نازیبا تبصرہ کیا جس پر عامر خان پہلے تو مسکراتے رہے اور پھر جب غصہ برداشت سے باہر ہوا تو انہوں نے شدید ردعمل دیا۔
مزید پڑھیں: باکسر عامر خان نے شادی بچانے کیلئے روحانی پیشوا سے رابطہ
عامر خان نے پریس کانفرنس کے لیے لگائی جانے والی ٹیبل پر سے پانی کا بھرا ہوا گلاس اٹھایا اور برطانوی باکسر کے منہ پر پانی پھینک کر مکے برسانے شروع کردیے تاہم اسی دوران کچھ لوگوں نے بیچ بچاؤ کروا کے معاملہ رفع دفع کروایا۔
ویڈیو دیکھیں
برطانوی میڈیا کے مطابق دونوں باکسرز کے درمیان 21 اپریل کو گرینڈ فائٹ ہوگی، یہ مقابلہ اس لیے بھی اہمیت کا حامل ہے کہ عامر خان 2 سال بعد رنگ میں نظر آئیں گے اور اُن کا پہلا ٹاکرا کینیڈین باکسر سے ہی ہوگا۔
واضح رہے کہ گزشتہ برس عامر خان اور فریال مخدوم کے درمیان تعلقات میں اس قدر کشیدگی آگئی تھی کہ دونوں نے اپنی راہیں جدا کرنے کا اعلان کردیا تھا مگر برطانیہ واپسی پر باکسر نے ایک بار پھر اپنا فیصلہ واپس لیتے ہوئے ساتھ زندگی گزارنے کا اعلان کیا تھا۔
یہ بھی پڑھیں: باکسر عامرخان بیٹی کی تصویر دیکھ کر بے چین ، ویڈیو ڈالنے پر معذرت
فریال کو طلاق دینے کے بعد باکسر عامر خان کی سوشل میڈیا اسٹار کے ساتھ ایک ویڈیو منظر عام پر آئی تھی ، جس میں گاڑی میں وہ اپنی نئی دوست کے ساتھ بیٹھے ہیں اور کہہ رہے ہیں اپنی دوست کے ساتھ مزے میں ہوں۔
