فلوریڈا: امریکی ریاست فلوریڈا میں شادی کی سالگرہ بھول جانے پر بیوی نے شوہر کو تشدد کا نشانہ بنایا تاہم پولیس نے کارروائی کرتے ہوئے خاتون کو گرفتار کرلیا۔
تفصیلات کے مطابق خاتون ’کیرول اسٹون‘ کی جانب سے اپنے شوہر ’رونی الیگزنڈر‘ کو اس وقت تشدد کو نشانہ بنایا گیا کہ جب شوہر شادی کی سالگرہ (ویڈنگ اینیورسری) والے دن خالی ہاتھ گھر لوٹے اور اپنی بیوی کو وش کرنا بھول گئے التبہ پولیس نے بیوی کو گرفتار کر لیا ہے۔
پولیس حکام کا کہنا ہے کہ خاتون نے اپنے شوہر کو بچوں کے سامنے تشدد کو نشانہ بنایا، شوہر کے گردن، اور سینے پر تشدد کے واضح نشانات موجود ہیں، مذاہمت کے باوجود خاتون نے بری طرح مارا۔
تصویر پر لائیک کیوں آیا؟ شوہر کا بیوی پر بہیمانہ تشدد
دوسری جانب متاثرہ شوہر ’رونی الیگزنڈر‘ نے پولیس کو بیان ریکارڈ کراتے ہوئے کہا کہ بیوی نے جس دن مجھ پر تشدد کیا اس کی صبح اس نے مجھ سے بحث بھی کی تھی، لیکن رات گئے جب میں اپنی ڈیوٹی سے خالی ہاتھ گھر لوٹا اور اسے وش کرنا بھول گیا تو اس پر مجھے تشدد کا نشانا بنایا گیا۔
ان کا مزید کہنا تھا کہ شادی کی سالگرہ سے متعلق بہت خوش تھا اور میں نے تو اینیورسری کی خوشیاں منانے کے لیے مقامی ہوٹل کا روم بک کرانے کا سوچ رکھا تھا، لیکن بیوی کی اس حرکت پر مجھے بہت افسوس ہوا۔
بھارت: کھانے میں تیل زیادہ ہونے پر شوہر نے بیوی کو آگ لگا دی
خیال رہے کہ بیوی کے خلاف مقدمہ عدالت میں زیر سماعت ہے تاہم جج نے بیوی پر شوہر سے کسی بھی قسم کے رابطے پر پابندی عائد کر رکھی ہے۔
خبر کے بارے میں اپنی رائے کا اظہار کمنٹس میں کریں، مذکورہ معلومات کو زیادہ سے زیادہ لوگوں تک پہنچانے کےلیے سوشل میڈیا پرشیئر کریں۔
