اسلام آباد : بجٹ کی تیاریاں زور و شور سے جاری ہیں، آئندہ مالی سال میں ترقیاتی بجٹ میں بیس فیصدکٹوتی کا خدشہ ہے جبکہ کٹوتی کا اشارہ مشیر خزانہ نے بھی دے دیا ہے۔
تفصیلات کے مطابق بجٹ2019 -2018 کی تیاریاں زور و شور سے جاری ہے، وزارت خزانہ زرائع کا کہنا ہے کہ آئندہ مالی سال کیلئے آٹھ سو ارب روپے کا ترقیاتی بجٹ تجویز کیا گیا ہے، مجوزہ بجٹ رواں سال کے بجٹ سے بیس فیصد کم ہے۔
رواں مالی سال کا بجٹ 1001 ارب روپے تھا یعنی ترقیاتی بجٹ میں دو سو ایک ارب روپے کی کمی متوقع ہے۔
مشیرخزانہ مفتاح اسماعیل کی جانب سے ترقیاتی بجٹ میں کٹوتی کا اشارہ دیا گیا تھا، اس وقت مجموعی طور پر ایک ہزار بائیس منصوبے جاری ہیں، جن کی کل مالیت پانچ ہزار چھ سو ارب ہے۔
یاد رہے کہ وزیراعظم کے مشیر برائے خزانہ امور مفتاح اسماعیل نے آئندہ مالی سال کا بجٹ 27 اپریل کو پیش کرنے کا اعلان کیا تھا اور کہا تھا کہ حکومت کی مدت 31 مئی کو ختم ہو جائے گی ، اس لئے حکومت کی کوشش ہے کہ وفاقی بجٹ جلد پیش کرکے اپنی ہی دور حکومت میں منظور کروالیا جائے۔
خیال رہے کہ یہ ن لیگ حکومت کا آخری بجٹ ہے ، اس لئے امید کی جارہی ہے کہ عوام کو زیادہ سے زیادہ ریلیف دیا جائے گا۔