اسلام آباد: پاکستان تحریک انصاف کے چیئرمین عمران خان کا کہنا ہے کہ اسحٰق ڈار کے معیشت پر بولے گئے جھوٹ بے نقاب ہوگئے۔ شریفوں اور ڈار نے پاکستان کے لیے اکنامک ہٹ مین کا کردار ادا کیا اور اسے قرضوں کی بدترین دلدل میں جکڑدیا۔
تفصیلات کے مطابق سماجی رابطے کی ویب سائٹ ٹویٹر پر اپنے ٹویٹ میں پاکستان تحریک انصاف کے چیئرمین عمران خان نے کہا کہ اسحٰق ڈار کے معیشت پر بولے گئے جھو ٹ بے نقاب ہوگئے۔
عمران خان نے زرمبادلہ کے ذخائر میں کمی سے متعلق غیر ملکی جریدے بلوم برگ کی رپورٹ پر ردعمل دیتے ہوئے کہا کہ اسحٰق ڈار کی پالیسیوں نے ملک کو قرض کے جال میں پھنسا دیا۔
This exposes all the lies and propaganda about the economy spewed by Dar and the Sharifs through billions worth of ads. Reveals how they did the job of economic hit men on Pak by making the country sink into the worst ever debt trap. https://t.co/ijsGnhqFPg
— Imran Khan (@ImranKhanPTI) March 28, 2018
انہوں نے کہا کہ ملکی معیشت کے بارے میں شریفوں اور ڈار نے اربوں روپے کے اشتہارات میں جتنے جھوٹ بولے ان سب کا بھانڈا پھوٹ گیا۔ ’اس مضمون میں ساری داستان درج ہے کہ کیسے انہوں نے پاکستان کے لیے اکنامک ہٹ مین کا کردار ادا کیا اور اسے قرضوں کی بدترین دلدل میں جکڑ دیا‘۔
ملکی معیشت کے بارے میں شریفوں اور ڈار نے اربوں روپے کے اشتہارات میں جتنے جھوٹ بولے ان سب کا بھانڈا پھوٹ گیا۔ اس مضمون میں ساری داستان درج ہے کہ کیسے انہوں نے پاکستان کیلئے "اکنامک ہٹ مین” کا کردار ادا کیا اور اسے قرضوں کی بدترین دلدل میں جکڑدیا۔ https://t.co/M4MTCTQBuC
— Imran Khan (@ImranKhanPTI) March 28, 2018
یاد رہے کہ غیر ملکی جریدے بلوم برگ میں شائع شدہ رپورٹ کے مطابق پاکستان کے زرمبادلہ ذخائر تیزی سے کم ہو رہے ہیں اور زرمبادلہ ذخائر میں یہ کمی ایشیا کے تمام ممالک سے زیادہ تیز ہے۔
رپورٹ میں کہا گیا ہے کہ پاکستان کے زرمبادلہ ذخائر کمبوڈیا سے بھی کم ہوجائیں گے۔ کمبوڈیا کی معیشت پاکستانی معیشت سے 10 گنا کم ہے۔
بلوم برگ میں شائع ہونے والی مکمل رپورٹ یہاں پڑھی جاسکتی ہے۔
خبر کے بارے میں اپنی رائے کا اظہار کمنٹس میں کریں۔ مذکورہ معلومات کو زیادہ سے زیادہ لوگوں تک پہچانے کے لیے سوشل میڈیا پر شیئر کریں۔
