کھیر بچوں اور بڑوں کا پسندیدہ میٹھا ہے جسے مختلف طریقوں سے پکا کر اس کی لذت میں اضافہ کیا جاسکتا ہے۔
آج ہم آپ کو شکر قندی کی لذیذ کھیر بنانے کی ترکیب بتا رہے ہیں۔
اجزا
دودھ: 1 کلو
شکر قندی بلی ہوئی اور چھیل کر مسلی ہوئی: ڈیڑھ پیالی
چینی: حسب ضرورت
بادام: 10 عدد
پستے: 10 عدد
ترکیب
دودھ کو ہلکی آنچ پر رکھ دیں۔
دودھ کڑھ کر جب 3 پیالیوں کے قریب رہ جائے تو تیار کی ہوئی شکر قندی اس میں ڈال دیں۔
شکر قندی کو چھلنی سے بھی نکال سکتی ہیں یا تھوڑے سے دودھ کے ساتھ بلینڈر کے ساتھ بھی پیس سکتی ہیں اس طرح کھیر میں کوئی گٹھلی نہیں رہے گی۔
ساتھ ہی چینی بھی ڈال دیں اور چمچ چلاتی جائیں۔
بادام چھیل کر پیس لیں اور آمیزے میں ڈال دیں۔
کھیر گاڑھی ہوجائے تو ڈش میں نکال لیں۔
اوپر سے پستہ چھڑک دیں۔
ٹھنڈا ہونے کے لیے فریج میں رکھ دیں۔ ٹھنڈی ہوجائے تو سرو کریں۔
خبر کے بارے میں اپنی رائے کا اظہار کمنٹس میں کریں۔ مذکورہ معلومات کو زیادہ سے زیادہ لوگوں تک پہچانے کے لیے سوشل میڈیا پر شیئر کریں۔
