پلاؤ بریانی کی نسبت کم مصالحوں والی ایسی ڈش ہے جس شوق سے کھایا جاتا ہے۔ پلاؤ کو مختلف مقامات پر علیحدہ طریقوں سے بنایا جاتا ہے جس سے اس کی لذت میں اضافہ ہوجاتا ہے۔
آج ہم آپ کو کشمیری پلاؤ بنانے کی ترکیب بتا رہے ہیں۔
اجزا
چاول: 500 گرام
گوشت: آدھا کلو
تیل: آدھا کپ
پیاز: 1 سے آدھا عدد
کلونجی: 1 چٹکی
دار چینی: 4 اسٹکس
کالا زیرہ: 1 سے آدھا چائے کا چمچ
لونگ: 6 عدد
ادرک لہسن کا پیسٹ: 2 کھانے کے چمچ
پسی سونف: 3 کھانے کے چمچ
پسا دھنیہ: 3 کھانے کے چمچ
دہی: 1 کپ
دودھ: آدھا کپ
کشمش: 1 کھانے کا چمچ
پانی: آدھا جگ
فوڈ کلر: 1 چٹکی
ابلے انڈے: 3 عدد
بادام: 10 عدد
نمک: حسب ذائقہ
ترکیب
تیل میں کچی پیاز، کلونجی، کالا زیرہ، لونگ اور ادرک لہسن کا پیسٹ ڈال کر اچھی طرح بھون لیں۔
اب گوشت، پسی سونف، پسا دھنیہ، دودھ، دہی اور کشمش ڈال کر اچھی طرح بھون لیں۔
اب پانی شامل کریں۔
ہلکا سا جوش آنے پر چاول ڈال کر مکس کریں۔
دم دینے سے پہلے دودھ اور دہی ایک پیالے میں ملائیں اور چٹکی بھر فوڈ کلر ڈال کر دم لگے ہوئے پلاؤ پر اوپر سے ڈال دیں۔
تیار ہونے پر ڈش میں نکال کر سنہری پیاز، بادام، کشمش اور ابلے انڈوں سے سجا کر پیش کریں۔
خبر کے بارے میں اپنی رائے کا اظہار کمنٹس میں کریں۔ مذکورہ معلومات کو زیادہ سے زیادہ لوگوں تک پہچانے کے لیے سوشل میڈیا پر شیئر کریں۔
