اسلام آباد: دنیا کے سب سے بڑے طیارے کو پاکستان میں لینڈنگ کی اجازت مل گئی، ایئر بس 380 طیارہ 8 جولائی کو ساڑھے 12 بجے اسلام آباد ائیرپورٹ پر اترے گا۔
تفصیلات کے مطابق سی اے اے نے سب سے بڑے مسافر طیارے کو لینڈنگ کی اجازت دے دی ہے، ایئربس 380 طیارہ 8 جولائی کو ساڑھے 12 بجے اسلام آباد ایئرپورٹ پر اترے گا، دبئی سے اسلام آباد آنے والی ایئر بس 380 میں 650 کے قریب مسافر سوار ہوں گے۔
[bs-quote quote=”چار انجنوں پر مشتمل دنیا کا سب سے بڑا مسافر بردار طیارہ 950 کلو میٹر فی گھنٹہ کی رفتار سے اُڑنے کی صلاحیت رکھتا ہے” style=”style-2″ align=”left”][/bs-quote]
سوال ایوی ایشن نے ایمریٹس طیارے کی بحفاظت لینڈنگ کے لیے انتظامات مکمل کرلئے ہیں، ایئر بس 380 سے مسافروں کو اتارنے کے لیے دو بورڈنگ برجز لگائے جائیں گے۔
خلیجی ملک کے طیارے میں 800 سے زائد افراد کو بیک وقت سوار کرنے کے لیے 2 منزلوں میں تقسیم کیا گیا ہے، تاہم 8 جولائی کو اسلام آباد کے نئے ایئرپورٹ پر اترنے والے طیارے میں 650 مسافر سوار ہوں گے۔
چار انجنوں پر مشتمل دنیا کا سب سے بڑا مسافر بردار طیارہ 950 کلو میٹر فی گھنٹہ کی رفتار سے اُڑنے کی صلاحیت رکھتا ہے، لینڈنگ کے لیے ٹیکنیکل گراؤنڈ سپورٹ سمیت ضروری اقدامات اٹھائیں جائیں گے جبکہ دو گھنٹے بعد ایئربس 380 کی اسلام آباد سے دبئی کے لیے پرواز ہوگی۔
مزید پڑھیں: نیو اسلام آباد ایئر پورٹ پر دیو ہیکل طیارے اے 380 بھی لینڈ کر سکیں گے
واضح رہے کہ یہ فور انجن جیٹ ایئر لائنر یورپی مینوفیکچرر ’ایئر بس‘ نے بنایا ہے، اس طیارے کے پروں کا پھیلاؤ ایک فٹ بال گراؤنڈ جتنا ہے جب کہ اس کی لمبائی دو بلیو وھیل مچھلیوں جتنی ہے۔
