کراچی: پی ٹی آئی کے سینئر رہنما عمران اسماعیل نے گورنرسندھ کےعہدے کا حلف اٹھا لیا، وہ صوبے کے 33 ویں گورنر ہیں.
حلف برداری کی تقریب گورنرہاؤس میں منعقد ہوئی، چیف جسٹس سندھ علی احمد شیخ نے عمران اسماعیل سے حلف لیا۔
حلف برداری کی تقریب میں اسپیکراسمبلی آغاسراج درانی نے بھی شرکت کی۔
یاد رہے کہ 2018 کے عام انتخابات میں عمران اسماعیل صوبائی اسمبلی کی نشست پی ایس 111 سے منتخب ہوئے تھے۔ عمران اسماعیل نے صوبائی اسمبلی کی رکنیت سے مستعفی ہوتے ہوئے اپنا استعفیٰ سیکریٹری اسمبلی کوبھجوا دیا ہے۔
مزید پڑھیں: عمران اسماعیل کو آنے سے منع نہیں کیا، خود ہی ناراض ہوکر گئے، ترجمان مزار قائد
حلف برداری سے قبل عمران اسماعیل نے اے آروائی نیوز سے گفتگو کرتے ہوئے کہا تھا کہ صوبے کا گورنرہوں، مخصوص شہر کا نہیں، کوشش کروں گا کہ سب کوساتھ لے کرچلوں۔
نامزد گورنرسندھ کا کہنا تھا کہ پانی کا مسئلہ حل کرنا میری اولین ترجیح ہے، صوبائی اورفیڈرل حکومت کے درمیان پل کا کردار ادا کروں گا۔
