اسلام آباد: وزیر خارجہ شاہ محمود قریشی کا کہنا ہے سفارتی کوششوں سے دنیا بھر کے مسلمانوں کو بڑی کامیابی ملی۔ دنیا بھر میں کسی بھی قسم کی نفرت انگیزی روکنے کے لیے ہم سب کو کام کرنا ہوگا۔
تفصیلات کے مطابق وزیر خارجہ شاہ محمود قریشی نے سماجی رابطے کی ویب سائٹ ٹویٹر پر اپنے ٹویٹ میں کہا کہ بہترین ٹیم ورک پر وزارت خارجہ کی ٹیم کا شکریہ۔ سفارتی کوششوں سے دنیا بھر کے مسلمانوں کو بڑی کامیابی ملی۔
Thank you to the Foreign Office team for their excellent team work. The diplomatic efforts achieved a great result for the Nation & Muslims across the world.
— Shah Mahmood Qureshi (@SMQureshiPTI) August 31, 2018
انہوں نے کہا کہ اللہ کی رحمت سے گستاخانہ خاکوں کا مقابلہ روک دیا گیا۔ یہ سب وفاقی حکومت کی مؤثر سفارتی کوششوں سے ممکن ہوا۔
انہوں نے مزید کہا کہ دنیا بھر میں کسی بھی قسم کی نفرت انگیزی روکنے کے لیے ہم سب کو کام کرنا ہوگا۔
By the grace of Allah Almighty, the blasphemous cartoon contest issue has been resolved due to effective diplomatic efforts of the Federal Government. We must all work together to deny extremists on all sides the space and opportunity to spread hatred.
— Shah Mahmood Qureshi (@SMQureshiPTI) August 30, 2018
خیال رہے کہ نیدر لینڈز میں ہونے والے خاکوں کے متنازع مقابلے کے خلاف مسلم دنیا، بالخصوص پاکستانی حکومت کی کوششوں کے بعد اسے منسوخ کر دیا گیا۔
ڈچ حکومت نے اس ضمن میں تحریری حکم نامہ بھی جاری کردیا ہے۔
حکومت پاکستان کی جانب سے اس ضمن میں سخت مؤقف اختیار کیا گیا تھا جبکہ وزیر اعظم عمران خان نے معاملہ اقوام متحدہ میں اٹھانے کا اعلان بھی کیا تھا۔
اس ضمن میں پاکستانی وزیر خارجہ نے مسلم دنیا سے رابطے شروع کر دیے تھے، حکومت پاکستان نے او آئی سی کو متحدہ کرکے اقوام متحدہ کے پلیٹ فارم پر آواز اٹھانے کا فیصلہ کیا تھا۔
البتہ ان اقدامات سے قبل ہی مسلم دنیا کے ردعمل کے پیش نظر ڈچ حکومت نے مقابلہ منسوخ کرنے کا اعلان کر دیا۔
