لاہور : پاکستان کرکٹ ٹیم کے سابق کپتان شاہد آفریدی کی نیروبی میں تاریخی اننگزکوبائیس سال مکمل ہوگئے، آفریدی کا کہنا ہے کہ ایک اننگز نے ان کی زندگی بدل دی تھی۔
تفصیلات کے مطابق پاکستان کرکٹ ٹیم کے سابق کپتان شاہد آفریدی نے سماجی رابطے کی ویب سائٹ ٹوئٹر پر اپنے پیغام میں کہا نیروبی میں تاریخی اننگز کو بائیس سال مکمل ہوگئے، جس کی یادیں آج بھی تازہ ہیں، اس لمحے نے میری زندگی بدل دی تھی، آپ سب کی سپورٹ اورمحبت کا شکریہ۔
شاہدآفریدی نے کہا کہ بھروسہ کرنے پر ساتھیوں کا شکرگزار ہوں۔
Twenty two years since that amazing day in Nairobi! Still remember that innings, the moment that changed my life. Thank you for your love and support all these years. Thank you to my teammates for believing in me. https://t.co/Dj8Djd4KAd
— Shahid Afridi (@SAfridiOfficial) October 4, 2018
یاد رہے کہ نیروبی کے میدان میں بائیس سال پہلے چار اکتوبر انیس سو چھیانوے کو شاہد خان آفریدی پاکستان کرکٹ کی پہنچان بنے تھے۔
شاہد آفریدی نے بائیس سال پہلے نیروبی میں سری لنکا کے خلاف صرف سنتیس گیندوں پراس وقت دنیا کی تیزترین سنچری اسکور کرکے ون ڈے کھیل کو نئی جدت دی۔
آفریدی نے گیارہ چھکوں اور چھ چوکوں کی مدد سے ایک سو دو رنز کی ناقابل فراموش اننگز کھیلی تھی۔
