اسلام آباد:  پی ٹی آئی کے مرکزی رہنما سینیٹر فیصل جاوید نے کہا  ہے کہ نہال ہاشمی کو ایسی متنازع گفتگوکرتے ہوئے شرم آنی چاہیے.

ان خیالات کا اظہار فیصل جاوید نے اے آر وائی نیوز سے گفتگو کرتے ہوئے کیا. ان کا کہنا تھا کہ پاک فوج کی قربانیاں کسی سے ڈھکی چھپی نہیں.

[bs-quote quote=” نہال ہاشمی کے خلاف قانونی کارروائی ہونی چاہیے” style=”style-7″ align=”left” author_name=”سینیٹر فیصل جاوید”][/bs-quote]

سینیٹر فیصل جاوید کا کہنا تھا کہ پاک فوج کے ہوتے ہوئے کسی میں جرات نہیں کہ پاکستان کو میلی آنکھ سے دیکھے، کیا ماضی کی جنگیں نہال ہاشمی نے لڑی تھیں.

ان کا کہنا تھا کہ پاک فوج کی قربانیوں کی پوری دنیا معترف ہے، دہشت گردی کے خلاف پاک فوج کی کارروائیوں سے دنیا سیکھ رہی ہے.

مزید پڑھیں: نہال ہاشمی کی ہرزہ سرائی، رانا ثنا اللہ نے اظہارِ لاتعلقی کردیا

سینیٹرفیصل جاوید نے مطالبہ کیا کہ نہال ہاشمی کے خلاف قانونی کارروائی ہونی چاہیے، وفاقی حکومت جو قانونی کارروائی ہے، وہ ضرور کرے گی.

انھوں نے کہا کہ پاک فوج ہماری محافظ ہے، ان کے خلاف ایسی گفتگونہیں ہونی چاہیے.

یاد رہے کہ آج مسلم لیگ ن کے سابق سینیٹر نہال ہاشمی نے آج ایک بار پھر اداروں کے خلاف ہرزہ سرائی کی.

نہال ہاشمی نے ایک تقریب میں خطاب کرتے ہوئے پاک فوج اور بھارتی اشتعال انگیزی کی روک تھام کے لیے یقینی سمجھے جانے والے ملک کے دفاعی اثاثوں پر تنقید کرتے ہوئے انہیں لا حاصل قرار دیا تھا۔