اسلام آباد: امریکی نائب وزیرخارجہ برائے جنوبی ایشیا ایلس ویلز ایک روزہ دورے پر پاکستان پہنچ گئیں، وہ پاکستانی حکام سے اہم ملاقاتیں کریں گی۔
تفصیلات کے مطابق امریکی نائب وزیر خارجہ ایلس ویلزغیرملکی ایئرلائن کی پرواز سے دوحا کے راستے آج صبح اسلام آباد پہنچیں۔
ایلس ویلز ایک روزہ دورے کے دوران وزیرخارجہ شاہ محمود قریشی اور وزیرخزانہ اسد عمر سے ملاقاتیں کریں گی، اس کے علاوہ وزیراعظم عمران خان سے بھی ان کی ملاقات متوقع ہے۔
یاد رہے کہ گزشتہ روز ترجمان دفترخارجہ کا کہنا تھا کہ ایلس ویلز پاکستانی حکام کے ساتھ ایک روزہ دورے کے دوران ملاقاتیں کریں گی جو وزیرخارجہ شاہ محمود قریشی اور سیکرٹری خارجہ مائیک پومیپو کے درمیان ہونے والی ملاقات کی ہی کڑی ہے۔
US Principal Deputy Assistant Secretary of State for South and Central Asia, Ambassador Alice Wells will visit Pakistan on 6 November. She will hold meeting with senior officials at the Ministry of Foreign Affairs. 1/2
— Dr Mohammad Faisal (@DrMFaisal) November 5, 2018
The aim would be to follow up on discussions between Foreign Minister, Shah Mahmood Qureshi and Secretary of State, Michael Pompeo with a view to further strengthen bilateral relations. Ambassador Wells will also call on the Finance Minister 2/2
— Dr Mohammad Faisal (@DrMFaisal) November 5, 2018
ڈاکٹرمحمد فیصل کا کہنا تھا کہ امریکی نائب وزیرخارجہ کے اس دورے کا مقصد دو طرفہ تعلقات کو مزید مستحکم بنانا ہے۔
واضح رہے کہ ایلس ویلز نے رواں سال جولائی میں بھی پاکستان کا دورہ کیا تھا اور اس دورے کے دوران انہوں نے پاک فوج کے سربراہ جنرل قمرجاوید باجوہ سے بھی ملاقات کی تھی۔
