چنیوٹ : 40افراد کا نکاح منسوخ کرنے والا مولوی متعدد دیہاتیوں سمیت گرفتار کرلیا گیا، ملزم نے مخالف پارٹی کے شخص کی نماز جنازہ میں شرکت کرنے والے افراد کے نکاح کی تنسیخ کردی تھی۔
تفصیلات کے مطابق چنیوٹ میں پولیس نے ایک مولوی کو متعدد افراد سمیت حراست میں لیا ملزم پر الزام تھا کہ اس نے مخالفین کی نماز جنازہ میں شرکت کرنے پر40افراد کا نکاح منسوخ کرنے کا اعلان کیا تھا۔
نماز جنازہ پڑھنے پر مذکورہ دیہاتی مولوی نے40افراد کا دوبارہ نکاح پڑھا دیا، اطلاع ملنے پر پولیس نے مولوی سمیت10افراد کو حراست میں لے لیا۔
بعد ازاں پولیس نے ملزمان کو عدالت میں پیش کیا، مولوی سمیت 10افراد کو دفعہ7/51 کے تحت گرفتاری کے بعد عدالت سے رہائی ملی، دس افراد کی گرفتاری پر عدالت نے پولیس اہلکاروں کی سرزنش بھی کی۔
