ٹوکیو: جاپانی شہری نے لاکھوں ڈالر انعام کا لالچ دے کر سب سے زیادہ ری ٹویٹ کا اعزاز اپنے نام کرلیا۔
تفصیلات کے مطابق جاپانی شہری یوسا کومائی زاوا نے پانچ جنوری کو ایک ٹویٹ کیا جس میں انہوں نے دیگر صارفین کو لالچ دی کہ جو 100 افراد پہلے اسے ری ٹویٹ کریں گے انہیں مہنگا تحفہ انعام میں بھیجا جائے گا۔
یوساکو مائی زاوا جاپان کی آن لائن ملبوسات کمپنی کے مالک ہیں انہوں نے اپنے ٹویٹ میں اعلان کیا تھا کہ ’کمپنی نے رواں سال دس ارب ین کی ریکارڈ فروخت کی‘۔
انہوں نے اپنے ٹویٹ میں پیش کش کی تھی کہ ریکارڈ فروخت کا جشن منایا جارہا ہے جس کے تحت مذکورہ ٹویٹ کو ری ٹویٹ کرنے والے 100 صارفین کو 10 کروڑ ین (جاپانی کرنسی) کی مالیت کے انعامات دیے جائیں گے۔
ZOZOTOWN新春セールが史上最速で取扱高100億円を先ほど突破!!日頃の感謝を込め、僕個人から100名様に100万円【総額1億円のお年玉】を現金でプレゼントします。応募方法は、僕をフォローいただいた上、このツイートをRTするだけ。受付は1/7まで。当選者には僕から直接DMします! #月に行くならお年玉 pic.twitter.com/cKQfPPbOI3
— Yusaku Maezawa (MZ) 前澤友作 (@yousuck2020) January 5, 2019
اگر اس رقم کا پاکستانی کرنسی کے حساب سے اندازہ لگایا جائے تو تقریباً 12 کروڑ 93 لاکھ 70 ہزار پانچ سو روپے بنتے ہیں۔ کومائی نے لکھا کہ ’انعام حاصل کرنے کا آسان طریقہ یہ ہے کہ مجھے فالو کریں اور ٹویٹ کو آگے بڑھائیں‘۔
جاپانی کمپنی کے مالک نے اپنے ٹویٹ میں صارفین کو کرسمس اور نئے سال کی مبارک باد پیش کرتے ہوئے خریداروں کا شکریہ بھی ادا کیا تھا۔
کومازئی کے ٹویٹ کو تین روز میں 55 لاکھ افراد نے آگے بڑھایا جس کے ساتھ ہی انہوں نے سب سے زیادہ ری ٹویٹ کا اعزاز اپنے نام کیا البتہ جاپانی میڈیا کا کہنا ہے کہ کمپنی کے مالک نے ابھی تک اپنے اعلان کے مطابق کسی بھی صارف کو کوئی تحفہ نہیں بھیجا۔
مائی زاوا کا شمار دنیا کی امیر ترین شخصیات کی فہرست میں شامل ہیں اُن کے دنیا بھر میں تین ارب ڈالر سے زائد کے اثاثے ہیں جن کا بیشتر حصہ وہ فن پر خرچ کرتے ہیں۔
HELP ME PLEASE. A MAN NEEDS HIS NUGGS pic.twitter.com/4SrfHmEMo3
— Carter Wilkerson (@carterjwm) April 6, 2017
قبل ازیں سب سے زیادہ ری ٹویٹ کا اعزاز امریکی نوجوان کے پاس تھا جس نے 2017 میں ایک ٹویٹ کیا تھا جسے 36 لاکھ افراد نے آگے بڑھایا تھا۔
امریکی نوجوان نے ایک ریسٹورنٹ سے پوچھا تھا کہ ایک سال تک مفت چکن نگٹس حاصل کرنے کے لیے کتنے ری ٹویٹ ہونے چاہیں؟ جس پر ریسٹورنٹ نے 18 لاکھ کا جواب دیا۔
امریکی نوجوان نے اس تصویر کو شیئر کرتے ہوئے لکھا کہ مجھے آپ کی مدد کی ضرورت ہے۔