اسلام آباد: پولیو مہم کو کامیابی سے ہم کنار کرنے کے لیے حکومت پاکستان نے حتمی فیصلہ کرلیا.
تفصیلات کے مطابق حکومت پاکستان نے فیصلہ کیا ہے کہ سوشل میڈیا پر انسداد پولیومہم مخالف مواد کے خلاف دو ٹوک موقف اختیار کرتے ہوئے فوری ایکشن لیا جائے.
[bs-quote quote=”حکومت پاکستان نے فیس بک، یوٹیوب انسداد پولیو مہم کے خلاف موجود مواد ہٹانے کے لئے ہنگامی مراسلہ جاری کر دیا” style=”style-8″ align=”left”][/bs-quote]
حکومت پاکستان نے فیس بک، یوٹیوب انسداد پولیو مہم کے خلاف موجود مواد ہٹانے کے لئے ہنگامی مراسلہ جاری کر دیا.
اس مراسلے میں چیئرمین پی ٹی اے سے انسداد پولیومخالف مواد پر فوری اقدامات کا مطالبہ کیا گیا ہے.
حکومت نے کہا ہے کہ پاکستان کو پولیو کے خاتمےمیں والدین کے شدید انکار کا سامنا ہے، فیس بک، یو ٹیوب پر منفی پروپیگنڈا پولیو فری مہم میں رکاوٹ ہے.
مزید پڑھیں: کراچی میں انسداد پولیو مہم آج سے شروع ہورہی ہے
حکومتی اعداد و شمار کے مطابق اسی منفی پروپیگنڈے کے باعث ایک لاکھ سے زائد بچے ویکسین سے محروم رہ جاتے ہیں.
خیال رہے کہ ایک جانب جہاں حکومت پاکستان زور شور سے پولیو کے خلاف سرگرم ہے اور پولیو کے قطرے پلانے کی مہم جاری رکھے ہوئے ہے، وہیں شعور کی کمی اور منفی پروپیگنڈے کی وجہ سے چند مسائل بھی درپیش ہیں، جن کے سدباب کے لیے یہ قدم اٹھایا گیا ہے.
