واشنگٹن: امریکی وزیر خارجہ نے کہا ہے کہ پاکستان کا ایٹمی پروگرام خامریکی سلامتی کو درپیش دنیا کے پانچ بڑے خطرات میں سے ایک ہے۔
غیرملکی خبررساں ادارے کے مطابق امریکی وزیر خارجہ نے ایک خصوصی انٹرویو میں گفتگو کرتے ہوئے کہا کہ پاکستان کے ایٹمی پروگرام کے حوالے سے خدشات ہیں، ایٹمی پروگرام امریکی سلامتی کے لیے بڑا خطرہ ہے۔
انہوں نے کہا کہ پاکستان کے جوہری اثاثوں کی حفاظت کا انتظام ہر لحاظ سے عالمی معیار کا ہے اس پر کوئی دو رائے نہیں ہیں بین الاقوامی ادارے اس پر رپورٹ بھی دے چکے ہیں۔
امریکی نشریاتی ادارے وائس آف امریکا کے مطابق امریکی وزیر خارجہ مائیک پومپیو نے دعویٰ کیا کہ ہم نے پاکستان کے خلاف جو ایکشن لیے ہیں ہم سے پہلے کسی حکومتی نے نہیں لیے۔
انہوں نے کہا کہ دہشت گردی کے مسئلے کو بہت سنجیدگی سے لیتے ہیں کیونکہ ہم نے خود اپنے دوستوں کو اس لڑائی میں کھویا ہے۔
مزید پڑھیں: پاک بھارت کشیدگی: دونوں ممالک کو مذاکرات کی میز پر لانے کی کوشش کررہے ہیں، مائیک پومپیو
مائیک پومپیو نے کہا کہ ہم نے گیارہ ستمبر کے حملوں سے بہت کچھ سیکھا ہے اور ہم نے اس سلسلے میں مزید اقدامات کرنے کے لیے زور ڈالا ہے۔
دوسری جانب امریکی سینیٹر لِنڈے گراہم کا کہنا تھا کہ پاکستان کے ساتھ مشترکہ ملٹری آپریشن گیم چینجر ثابت ہوسکتا ہے، عبوری سے اسٹریٹجک تعلقات کی طرف جانا ہوگا۔
ان کا کہنا تھا کہ پاکستانی سرحد کے اطراف فینسنگ ایک اچھا اقدام ہے اور سرحد محفوظ کرنے کی پاکستان کے پاس حکمت عملی بھی ہے لیکن کاش ایسا افغانستان میں بھی ہوتا۔
