نئی دہلی: بھارتیہ جنتا پارٹی (بی جے پی) کے لیڈر نے آئی ایس پی آر کا نغمہ ’پاکستان زندہ باد‘ کی طرز چوری کرلی۔
تفصیلات کے مطابق بی جے پی سے تعلق رکھنے والے تلگانہ کے رکن اسمبلی راجہ سنگھ نے آئی ایس پی آر کا نغمہ پاکستان زندہ باد کی طرز چوری کرکے اپنا نغمہ ریلیز کردیا۔
راجہ سنگھ نے سماجی رابطے کی ویب سائٹ ٹویٹر پر 12 اپریل کو نغمہ ریلیزکیا اور اسے بھارتی فوج کے نام کیا، ویڈیو میں دیکھا جاسکتا ہے کہ آئی ایس پی آر کے نغمے پاکستان زندہ باد کی طرح راجہ سنگھ نے ہندوستان زندہ باد کا لفظ استعمال کیا ہے۔
My new song which will be released on 14th April at 11:45 AM on the occasion of #SriRamNavami is dedicated to our #IndianArmy forces. pic.twitter.com/Es391cE2PT
— Chowkidar Raja Singh (@TigerRajaSingh) April 12, 2019
بھارتیہ جنتا پارٹی کے لیڈر راجہ سنگھ کو نغمہ کی طرز چوری کرنے پر پاکستان اور بھارت کے شہریوں کی جانب سے سماجی رابطے کی ویب سائٹ پر تنقید کا نشانہ بنایا جارہا ہے۔
دوسری جانب ڈی جی آئی ایس پی آر میجر جنرل آصف غفور نے سماجی رابطے کی ویب سائٹ پر لکھا کہ ’مجھے خوشی ہوئی کہ آپ نے ہمارے نغمے کی نقل کی، اب سچ بولنے کی پاکستانی عادت بھی اپنالیں۔‘
Glad that you copied. But copy to speak the truth as well. #PakistanZindabad https://t.co/lVPgRbcynQ
— Asif Ghafoor (@peaceforchange) April 14, 2019
یاد رہے کہ پاک فوج کے شعبہ تعلقات عامہ (آئی ایس پی آر) کے ڈایریکٹر جنرل میجر جنرل آصف غفور نے سماجی رابطے کی ویب سائٹ ٹوئٹر پر 23 مارچ کا خصوصی نغمہ جاری کردیا، جس کے بول “ہر دل کی آواز۔۔ پاکستان زندہ باد ، سن لیں دشمن سبھی۔۔ یہ وطن ہے سدا۔ ہیں”۔
یوم پاکستان کا نغمہ “پاکستان زندہ آباد” مشہور موسیقار سہیر علی بیگگا نے گایا تھا اور اس میں میڈیا اور کھیلوں سمیت مسلح فورسز اور معاشرے کے مختلف حصوں سے تعلق رکھنے والے افراد کو خراج تحسین پیش کیا گیا تھا۔