کراچی: سری لنکا میں ہونے والے خودکش دھماکوں کے نتیجے میں 200 سے زائد افراد کی ہلاکت پر قومی کرکٹرز بھی افسردہ ہیں۔
تفصیلات کے مطابق سری لنکا میں ہونے والے خودکش دھماکوں پر قومی کرکٹرز بھی افسردہ ہیں، اسٹار کرکٹرز نے اپنے ٹویٹس میں واقعے کی مذمت کی ہے۔
سری لنکا میں ہونے والی دہشت گردی پر قومی کرکٹ ٹیم کے کپتان سرفراز احمد نے لکھا کہ ٹریننگ سیشن سے واپس آیا تو مجھے اس سانحہ کا علم ہوا، ہماری دعائیں سری لنکن عوام کے ساتھ ہیں، اس مشکل وقت میں سری لنکن عوام کے غم میں برابر کے شریک ہیں۔
Just returned from the training session to hear about the tragic incidents in Colombo. Our prayers are with the people of #srilanka and we stand firmly with them in these difficult times.
— Sarfaraz Ahmed (@SarfarazA_54) April 21, 2019
وہاب ریاض نے سانحہ سری لنکا کی مذمت کرتے ہوئے کہا کہ ہماری دعائیں سری لنکن عوام کے ساتھ ہیں، اس مشکل گھڑی میں تمام پاکستانی سری لنکن عوام کے ساتھ ہیں۔
So sad to hear about Colombo. My thoughts and prayers are with the beautiful people of #SriLanka, and all of us Pakistanis are with you in this difficult time. #ColomboTerrorAttack
— Wahab Riaz (@WahabViki) April 21, 2019
محمد حفیظ نے کہا کہ سری لنکا میں ہونے والی دہشت گردی نے افسردہ کردیا، ہماری دعائیں سانحے میں اپنے پیاروں کو کھو دینے والوں کے ساتھ ہیں۔
Sad news about terrorist attack in Sri Lanka , Condolences to all the families lost their love ones
— Mohammad Hafeez (@MHafeez22) April 21, 2019
شاہد خان آفریدی نے سری لنکا میں ہونے والے خودکش دھماکوں کی مذمت کرتے ہوئے کہا کہ میری دعائیں سری لنکن بھائی بہنوں کے ساتھ ہیں، انسانیت اور اتحاد سے ہم مل کر دہشت گردی کو شکست دے سکتے ہیں۔
A tragic event in #SriLanka & deeply hurt by the loss of human life in the horrific terrorist attack in #SriLankaBlasts. My deep condolences & prayers for my brothers & sisters. Humanity will rise & together we will defeat all terrorists.
— Shahid Afridi (@SAfridiOfficial) April 21, 2019
واضح رہے کہ سری لنکا میں ایسٹر کے موقع پر 3 گرجا گھروں اور چار ہوٹلوں میں یکے بعد دیگرےآٹھ دھماکے ہوئے، جس کے نتیجے میں 200 سےزائدافراد ہلاک جبکہ سینکڑوں زخمی ہوگئے۔
پولیس کے مطابق ہلاک ہونے والوں میں 35 غیر ملکی بھی شامل ہیں، جن میں امریکی، برطانوی اور نیدر لینڈز کے شہری شامل ہیں۔
سری لنکن وزیراعظم نے ملک میں ہونے والے دھماکوں کی مذمت کرتے ہوئے اسے بزدلانہ اقدام قرار دے دیا۔
