میکسیکو سٹی: میکسیکو کے شہریوں نے دنیا کا سب سے بڑا کھلونا بھالو بنانے کا اعزاز اپنے نام کرلیا۔
تفصیلات کے مطابق میکسیکن ٹاؤن کے رہائشیوں نے بھورے رنگ کا 20 میٹر لمبا بھالو بنایا جس کا وزن چار ٹن سے زائد بتایا جارہا ہے۔
’ٹیڈی بیئر‘ بنانے والوں کا دعویٰ تھا کہ یہ دنیا کا سب سے بڑا بھالو ہے اس لیے انہوں نے گنیز بک آف ورلڈ ریکارڈ کی ٹیم کو مدعو کیا تاکہ بک میں اپنا نام درج کراسکیں۔ بھالو کو ’’ژونیٹا‘‘ کا نام دیا گیا جس کی تیاری میں تین ماہ سے زائد کا عرصہ لگا، منتظمین کے مطابق انہیں سب سے زیادہ مشکل سلائی کرنے کے دوران ہوئی۔
بچوں نے جب اپنے پسندیدہ کریکٹر کو اتنی بڑی جسامت میں دیکھا تو اُن کی خوشی کی کوئی انتہاء نہ رہی البتہ چند بچے ایسے بھی تھے جو اس کو دیکھ کر خوف کھا رہے تھے۔
گنیز بک آف ورلڈ ریکارڈ کی ٹیم نے میکسیکو کا دورہ کیا اور تکنیکی جائزے کے بعد اسے دنیا کا سب سے بڑے بھالو کا اعزاز سے نوازا۔
Giant teddy bear breaks Guinness World Records in Mexico pic.twitter.com/ryKgqnz2Wr
— CGTN (@CGTNOfficial) May 2, 2019
