نیویارک: امریکا میں ایک رہائشی عمارت میں آتشزدگی کے باعث چار بچوں سمیت 6 افراد ہلاک ہوگئے۔
تفصیلات کے مطابق امریکی شہر نیویارک میں عمارت میں کچن کا چولہا نہ بندکرنے کے باعث آتشزدگی سے 4 بچوں سمیت 6 افراد ہلاک ہوگئے۔
غیر ملکی خبر رساں ادارے کا کہنا ہے کہ خاتون کچن کا چولہا بند کرنا بھول گئی تھیں جس کے سبب حادثہ پیش آیا جب کہ گھر میں لگے اسموک ڈیٹیکٹرز بھی کام نہیں کررہے تھے تاہم اس اس حوالے سے مزید تحقیقات جاری ہیں۔
امریکی شہر نیویارک میں رہائشی عمارت کی پانچویں منزل پر اچانک آگ بھڑک اٹھی جس کے نتیجے میں گھر میں موجود 4 بچوں سمیت 6 افراد ہلاک ہوگئے، واقعہ کے اطلاع ملتے ہی بعد فائر بریگیڈ کی گاڑیاں موقع پر پہنچ گئیں اور آگ پر قابو پالیا۔
پولیس حکام کے مطابق ہلاک ہونے والے بچوں کی عمر 3 سے 11 سال کے درمیان ہے جب کہ بچوں کی والدہ اور بھائی بھی حادثے میں ہلاک ہوگیا ہے۔
پولیس کا کہنا تھا کہ تحقیقات کے مطابق خاتون کچن کا چولہا بند کرنا بھول گئی تھیں جس کے سبب حادثہ پیش آیا جب کہ گھر میں لگے اسموک ڈیٹیکٹرز بھی کام نہیں کررہے تھے تاہم اس اس حوالے سے مزید تحقیقات جاری ہیں۔
امریکا: رہائشی مکان میں آتشزدگی، 4 افراد ہلاک
خیال رہے کہ اسی شہر میں گذشتہ ماہ ایک رہائشی مکان میں لگنے والی آگ کے نتیجے میں چار افراد جھلس کر ہلاک ہوگئے تھے۔
