کراچی : محکمہ موسمیات نے پیشگوئی کی ہے کہ شوال کاچاند 29 رمضان کونظرآنےکاقوی امکان ہے اور عیدالفطر5جون کوہوگی، پورے ملک میں4جون کو چاند کی رویت ممکن ہے۔
تفصیلات کے مطابق شوال کاچاندنظرآنےسےمتعلق محکمہ موسمیات نے پیشگوئی کی ہے کہ شوال کاچاند 4 جون 29 رمضان کو نظر آنے کا قوی امکان ہے، جس کے بعد عیدالفطر بروز بدھ 5جون کو ہوگی۔
محکمہ موسمیات کا کہنا ہے شوال کے چاندکی پیدائش پیر3جون کودوپہر3بجکر2منٹ پرہوگی، 3 جون کوغروب آفتاب کےوقت چاندکی عمر4گھنٹے16منٹ ہوگی جبکہ 4 جون کوغروب آفتاب پرچاندکی عمر28 گھنٹےاور16منٹ ہوگی۔
محکمہ موسمیات کے مطابق 4 جون کو چاندغروب آفتاب کےایک گھنٹےبعدتک افق پرموجود رہے گا ، پورے ملک میں4جون کو چاند کی رویت ممکن ہے۔
مزید پڑھیں : شوال کا چاند 4جون کو نظر آنے کا امکان ہے، فوادچوہدری
یاد رہے وفاقی وزیر سائنس و ٹیکنالوجی فواد چوہدری نے کہا تھا کہ قمری کیلنڈر مکمل کر لیا گیا ہے، وزارت سائنس،اسپارکو، محکمہ موسمیات کےماہرین نے قمری کیلنڈر تیار کیا گیا ہے۔
قمری کیلنڈر کے مطابق امسال 29 روزے ہوں گے اور شوال کا چاند 4جون کو نظر آنے کا امکان ہے ، عید الفطر 5 جون ہوگی، انہوں نے کہا تھا کہ قمری کیلنڈر جاری کرنے سے قبل مفتی منیب الرحمن اور مفتی شہاب الدین پوپلزئی سے مشاورت کی جائے گی۔
