واشنگٹن : امریکا میں مساجد کی سیکیورٹی کے لیے خصوصی سیکیورٹی دستے سے رضاکارانہ طور پر ذمہ سنبھال لی تاہم مسلمانوں کے مذہبی مقامات کی حفاظت کیلئے تیار کی گئی نجی پیٹرول سروس تنازعے کا شکار ہوگئی۔
تفصیلات کے مطابق نیوزی لینڈ کے تیسرے بڑے شہر کرائسٹ چرچ میں دو مساجد پر سفید فام دہشت گرد کے متعصبانہ حملے کے بعد نیویارک میں مساجد و دیگر مذہبی مقامات مقدسہ کی حفاظت کے لیے نجی سیکیورٹی سروس متعارف کرائی گئی ہے۔
غیر ملکی خبر رساں ادارے کا کہنا تھا کہ نیوزی لینڈ میں حملے کے بعد ایک جمعے بروکلین کے مسلمان نوجوانوں کا ایک گروہ مساجد کی پیٹرولنگ پر نکل پڑا جن کی گاڑیاں نیویارک پولیس کی پیٹرولنگ گاڑیوں سے مشابہ تھیں۔
میڈیا رپورٹس میں بتایا گیا ہے کہ مذکورہ پیٹرولنگ ٹیم مساجد کے باہر اس وقت تک تعینات رہے گی جب تک نمازی نماز کی ادائیگی نہ کرلیں۔
غیر ملکی میڈیا کا کہنا تھا کہ مسلم کمیونٹی پیٹرولنگ خود کفیل گروپ ہو مسلمانوں کے مذہبی اجماعات، مساجد، اسلامی تعلیمی اداروں اور پُرہجوم جگہوں پر اضافی سیکیورٹی فراہم کرنے پر تیار کیا جارہا ہے۔
پیٹرولنگ گروپ کے بانی نور رباح کا کہنا تھا کہ نیوزی لینڈ میں 51 مسلمانوں کی شہادت کے بعد مذکورہ سروس کو قائم کیا گیا ہے، ہمارا این وائی پی ڈی (نیویارک پولیس) سے کوئی تعلق نہیں ہے یہ ادارہ متعلقہ حکام تک رپورٹ پہنچانے کےلیے بطور کیا گیا ہے۔
غیر ملکی خبر رساں ادارے کا کہنا تھا کہ مسلم کمیونٹی پیٹرولنگ سروس متعارف ہونے کے بعد جہاں اسے سوشل میڈیا پر پذیرائی مل رہی ہے وہی دوسری جانب اسے شدید تنقید کا نشانہ بنارہے ہیں۔
