اسلام آباد: وزیراعظم کے مشیر تجارت عبدالرزاق کی زیر صدارت اجلاس ہوا جس میں کھجوروں کی برآمدات سے متعلق تبادلہ خیال کیا گیا۔
تفصیلات کے مطابق اجلاس میں تبادلہ خیال ہوا کہ کھجور کی برامد سے متعلق نمائندہ وفد کے قیام پر اتفاق وفد بیرون ممالک کے دورے کرکے پاکستانی کھجورکی کھپت کیلئے منڈیاں تلاش کرے گا۔
مشیر تجارت عبدالرزاق کی زیر صدارت پاکستانی کھجوروں کی برآمدات کے حوالے سے اہم اجلاس ہوا، اجلاس میں سیکرٹری تجارت، سیکرٹری فوڈ سیکیورٹی اور کھجور کے تاجر، اسٹیٹ بینک اور ایف بی آر کے نمائندے نے شرکت کی۔
اجلاس میں سیکرٹری تجارت احمد نواز سکھیرا نے کھجوروں کی برآمدات کی موجودہ صورت حال سے آگاہ کیا، اجلاس کو بتایا گیا کہ کھجور کی پیداوار کے حوالے سے پاکستان کا شمار دنیا کے دس بڑے کھجور کی پیداواری ممالک میں ہوتا ہے اجلاس میں ایک وفد کے قیام پر اتفاق کیا گیا۔
وفد نئی منڈیوں کی تلاش کے لیے بنگلادیش، سری لنکا، نیپال سمیت دیگر ممالک کا دورہ کرے گا وفد ان ممالک میں کھجور کی برآمدات کے حوالے سے منڈیاں تلاش کرے گا۔
