ملتان: وزیرخارجہ شاہ محمود قریشی عیدالفطر کے موقع پر کہا کہ ہمیں یاد کرنا ہے اپنے والدین، عزیزوں کو، آج دلوں کوجوڑنے کا موقع ہے۔
تفصیلات کے مطابق وزیرخارجہ شاہ محمود قریشی نے میڈیا سے گفتگو کرتے ہوئے کہا کہ فلسطین کے مسلمان آج بھی اپنے حقوق کے لیے جدوجہد کررہے ہیں۔
انہوں نے کہا کہ ہمیں یاد کرنا ہے ان شہدا کوجنہوں نے وطن کی خاطرجانیں دیں، ہمیں یاد کرنا ہے اپنے والدین،عزیزوں کو، آج دلوں کوجوڑنے کا موقع ہے۔
وزیرخارجہ نے کہا کہ کروڑوں مسلمان بھارت میں آباد ہیں انہیں عید مبارک کہتا ہوں، بھارتی حکومت سے کہتا ہوں وہ مسلمانوں کے حقوق کا تحفظ کرے۔
شاہ محمود قریشی نے کہا کہ وہ اقلیت میں ہیں لیکن ان کے حقوق ہیں، اس کی پاسداری کی جائے، وقت کبھی ایک سا نہیں رہتا، ہمیں سب کے حقوق کا خیال رکھنا چاہیے۔
ملک بھرمیں عید الفطرمذہبی جوش وجذبے سے منائی جا رہی ہے
واضح رہے کہ ملک بھر میں عیدالفطرآج مذہبی جوش وجذبے کے ساتھ منائی جا رہی ہےاس موقع پر ملکی سلامتی اور استحکام کےلیے خصوصی دعائیں مانگی گئیں۔
