تہران: جرمن وزیر خارجہ ہائیکو ماس نے ایرانی صدر اور ایرانی وزیر خارجہ سے ملاقات کی ہے.
تفصیلات کے مطابق پیر کے روز ایران کا دورہ کرنے والے جرمن وزیر خارجہ نے ایرانی صدر حسن روحانی سے ملاقات کی.
اس اہم ملاقات میں دونوں رہنماؤں نے علاقائی اور عالمی معاملات کے علاوہ ایرانی جوہری ڈیل پر بھی تبادلہ خیال کیا۔
جرمن وزیر خارجہ ہائیکو ماس نے پیر ہی کے روز اپنے ایرانی ہم منصب محمد جواد ظریف سے ملاقات کی.
ملاقات کے بعد مشترکہ پریس کانفرنس میں ظریف نے واضح کیا کہ ایران کے خلاف اقتصادی جنگ شروع کرنے کے بعد امریکا بھی محفوظ نہیں رہے گا۔
مزید پڑھیں: ایران امریکا تنازعے میں اہم موڑ، جاپانی وزیر اعظم اگلے ہفتے تہران کا دورہ کریں گے
تجزیہ کاروں کے مطابق ہائیکو ماس کی اس دورے کا مقصد 2015 میں طے پانے والی ایرانی جوہری ڈیل کو برقرار رکھنا تھا.
اس اہم دورے کے بعد جاپانی وزیراعظم شینزو آبے اگلے ہفتے تہران کا دورہ کریں گے. امید کی جارہی ہے کہ جاپنی وزیر اعظم کا دورہ دور رس نتائج مرتب کرے گا.
خیال رہے کہ جرمن وزیر خارجہ ہائیکو ماس نے اپنے دورہ اردن میں ایک پریس کانفرنس سے خطاب کرتے ہوئے کہا تھا کہ ان کا ملک فلسطینی پناہ گزینوں کی ریلیف ایجنسی اونروا کی مالی مدد جاری رکھے گا کیونکہ یہ اہمیت کا حامل ادارہ ہے۔
