لاہور: ٹیسٹ کرکٹرکامران اکمل کا کہنا ہے کہ باؤلنگ میں ہمیں حسن علی کولانا پڑے گا، آنے والے میچ سخت ہیں، آئندہ میچوں میں فخر اور امام کو100 کرنے پڑیں گے۔
تفصیلات کے مطابق اے آروائی نیوز سے خصوصی گفتگو کرتے ہوئے ٹیسٹ کرکٹر کامران اکمل نے کہا کہ اللہ کا شکرہے کہ ہم جنوبی افریقہ کے خلاف جیتے، اگلے 3 میچ بہتررن ریٹ سے جیتنا ضروری ہے۔
کامران اکمل نے کہا کہ وہاب اورعامربہت اچھی باؤلنگ کررہے ہیں، باؤلرز نے میچ میں اچھی کارکردگی دکھائی، باؤلنگ میں ہمیں حسن علی کولانا پڑے گا، آنے والے میچ سخت ہیں۔
ٹیسٹ کرکٹر نے مزید کہا کہ حارث سہیل کو پہلے میچ کے بعد کیوں ڈراپ کیا گیا، کوئی پوچھنے والا نہیں ہے، آئندہ میچوں میں فخر اور امام کو100 کرنے پڑیں گے۔
سرفراز الیون کا پلٹ کر وار، جنوبی افریقا ورلڈ کپ سے باہر
یاد رہے 23 جون کو قومی کرکٹ ٹیم نے ورلڈکپ کے اہم مقابلے میں جنوبی افریقا کو 49 رنز سے شکست دی تھی۔ حارث سہیل کو ان کی عمدہ بیٹنگ پرمیچ کا بہترین کھلاڑی قرار دیا گیا۔
