اسلام آباد : وزیراعظم عمران خان نے بیرون ملک قید پاکستانیوں کی رہائی پر وزارت خارجہ کو ٹاسک سونپتے ہوئے 40 دن میں دنیا بھر میں قید پاکستانیوں کی تفصیلات طلب کرلیں ہیں۔
تفصیلات کے مطابق وزیراعظم عمران خان نے بیرون ملک قید پاکستانیوں کے لیے بڑا قدم اٹھاتے ہوئے وزارت خارجہ کو قید پاکستانیوں کی رہائی کا ٹاسک سونپ دیا اور وزارت خارجہ سے40 دن میں دنیا بھر میں قید پاکستانیوں کی تفصیلات طلب کرلیں ہیں۔
وزیراعظم آفس نے وزارت خارجہ کوقید پاکستانیوں کی رہائی پرخط لکھ دیا ہے ، جس میں کہا گیا ہے بیرون ملک پاکستانیوں کی رہائی کے کےفوری اقدامات کیےجائیں، وزیراعظم آفس اور وزارت خارجہ کے درمیان ٹاسک مینجمنٹ سسٹم قائم کیا جائے۔
خط میں کہا گہا معمولی سزا یاجرمانہ نہ ادا کرنےوالوں کی رہائی کےفوری اقدامات کیےجائیں اور اچھے سفارتی تعلقات ہونےپرقیدیوں کی بلامعاوضہ رہائی کی بات کی جائے، جوخاندان جرمانےادا نہیں کر سکتے، حکومت ان کوادائیگی میں مدد کرے گی۔
وزیراعظم آفس کی جانب سے خط میں کہا گیا دفتر خارجہ 40 دن میں بتائےکونےممالک بلامعاوضہ رہائی دےسکتے ، کونسے ممالک میں قیدپاکستانیوں کی رہائی کےلیے جرمانہ ادا کرنا ہے۔
خط کے مطابق سعودی عرب میں قید پاکستانیوں کی رہائی پرکوشش کو پوری قوم نے سراہا اور کہا قید پاکستانیوں کےخاندانوں نےبڑی تعداد میں وزیراعظم ڈیلیوری یونٹ سے رابطہ کیا۔
