لاہور: وزیرپنجاب بیت المال اینڈ سوشل ویلفیئر محمد اجمل کا کہنا ہے کہ عوام کا معیارزندگی بہتروبلند کرنے کے لیے حکومت ترقی وخوشحالی کے عملی اقدامات اٹھا رہی ہے۔
تفصیلات کے مطابق وزیرپنجاب بیت المال اینڈ سوشل ویلفیئر محمد اجمل نے کہا کہ پاکستان تحریک انصاف کی حکو مت عوام کو ہر ممکن سہو لیا ت کی فراہمی کے لیے کوشاں ہے۔
انہوں نے کہا کہ پی ٹی آئی حکو مت عوام کا معیار زند گی بلند کرنے اور ان کو بہتر سے بہتر سہولیا ت کی فراہمی میں مخلص ہے، ہم نے ہمیشہ ہی حلقہ عوا م کو بہترسے بہتر سہولیات کی فراہمی کے لیے ہی عملی اقدا ما ت کیے ہیں۔
صوبائی وزیر نے کہا کہ ملک سے کرپشن، لوٹ مار، بدعنوانیوں، اقربا پروری اور منفی و استحصالی رویوں پر مبنی روایات کے خاتمہ کے لیے تحریک انصاف کی تاریخی جدوجہد کسی تعارف کی محتاج نہیں ہے۔
محمد اجمل نے کہا کہ ملک وقوم کو خود مختاری اور خود انحصاری کے ساتھ ساتھ ترقی وخوشحالی کی راہ پر گامزن کرنے کے لیے وزیر اعظم عمران خان گراں قدر خدمات سرانجام دے رہے ہیں ،اس کے نتیجے میں حالات یکسر تبدیل ہوجائیں گے۔
انہوں نے کہا کہ پنجاب حکومت وزیراعظم عمران خان کے ویژن کی تکمیل کے لیے سرگرداں ہے اور خلوص نیت سے اقدامات کررہی ہے تا کہ عوام کا معیار زندگی بہترو بلند ہوسکے۔
