راولپنڈی: چیف آف آرمی اسٹاف جنرل قمر جاوید باجوہ نے کہا ہے کہ پاکستان امن اورترقی کی راہ پر مثبت انداز سے گامزن ہے، دیرپا امن و استحکام کو یقینی بنائیں گے۔
پاک فوج کے شعبہ تعلقات عامہ (آئی ایس پی آر) کے سربراہ میجر جنرل آصف غفور کی جانب سے جاری ہونے والے اعلامیے کے مطابق آرمی چیف کی زیرصدارت 222ویں کورکمانڈرزکانفرنس ہوئی جس میں جیو اسٹریٹجک،علاقائی،قومی سلامتی کے امورپرتبادلہ خیال کیا گیا۔
کانفرنس میں بھارت،افغانستان،ایران سمیت خطےکی سیکیورٹی صورتحال پرغور جبکہ سیکیورٹی آپریشنز،کالعدم تنظیموں کے خلاف کی جانے والی کارروائیاں بھی زیرغورآئیں۔
Forum apprised about difficult but extremely essential long term beneficial measures taken by govt for improving & strengthening national eco.“Pakistan is on positive trajectory of peace & dev and shall carry forward the same towards enduring peace & prosperity”, COAS.(2 of2). pic.twitter.com/MtFY7N7wak
— Maj Gen Asif Ghafoor (@OfficialDGISPR) July 3, 2019
آرمی چیف نےشرکاء کو اقتصادی صورتحال بہتر بنانےکے حوالے سےحکومتی اقدامات سے آگاہ کیا۔ آئی ایس پی آر اعلامیے کے مطابق آرمی چیف نےمشکل مگر ضروری معاشی اقدامات سےآگاہ کیا۔
یاد رہے کہ 28 جون کو نیشنل ڈیفنس یونیورسٹی میں ملکی معیشت کے حوالے سے سیمینار کا انعقاد کیا گیا تھا جس میں آرمی چیف آف اسٹاف نے بطور مہمانِ خصوصی شرکت کی اور اہم مسئلے پر روشنی بھی ڈالی تھی۔
آرمی چیف کا اپنے خطاب میں کہنا تھا اب وقت قومی اہمیت کےامورپرکھل کر بات چیت ضروری ہے، حکومت اور اسٹیک ہولڈرز کی قومی اہمیت پربات چیت ضروری ہے، ملکی استحکام معاشی خود مختاری کے بغیر ممکن نہیں ہے، ہم سب کو مل کر ملک کے لیے جدوجہد کرنا چاہیے۔
CCC at GHQ. Geo Strategic, regional and national security environment including India, Afghanistan, Iran, ongoing internal security operations and actions against proscribed organisations discussed. (1 of 2). pic.twitter.com/2Mjy91neA4
— Maj Gen Asif Ghafoor (@OfficialDGISPR) July 3, 2019
