اسلام آباد: وزیراعظم عمران خان نے روڈ ٹو مکہ پروجیکٹ کا باضابطہ افتتاح کردیا۔
تفصیلات کے مطابق روڈ ٹو مکہ پروجیکٹ کا باقاعدہ آغاز ہوگیا، جس پر عازمین حج نے مسرت کا اظہار کیا اور وزیر اعظم کو خراج تحسین پیش کیا.
وزیر اعظم کو اسلام آباد انٹرنیشنل ایئرپورٹ پر پراجیکٹ سے متعلق بریفنگ دی گئی. اس موقع پر معاون خصوصی برائے اطلاعات فردوس عاشق اعوان سمیت دیگر اعلیٰ عہدے دار بھی موجود تھے.
وزیر اعظم نے عازمین حج سے ملاقات کی، انھیں ہار پہنائے اور مبارک باد پیش کی.
اس موقع پر حاجیوں کی جانب سے خوشی کا اظہار کیا گیا، انھوں نے پروجیکٹ کو قابل تعریف ٹھہراتے ہوئے وزیر اعظم کی کاوش کو سراہا. ان کا کہنا تھا کہ وزیراعظم کےاقدام سے وقت کی بچت اور سفر کی سہولت ہوگی.
مزید پڑھیں: اسلام آباد ایئرپورٹ پر روڈ ٹو مکہ منصوبے کا کامیاب تجربہ
دوسری جانب لاہورسےسرکاری حج اسکیم کےتحت عازمین حج کی پہلی پرواز کی حجازمقدس کے لئے روانگی ہوگئی ہے.
https://www.facebook.com/ImranKhanOfficial/videos/878620409164494/
پہلی پرواز کو الوداع کرنے کے لیے سعودی امیگریشن عملہ سعودی سفیر وفاقی وزیر مذہبی امور اور ایوی ایشن کے وزیر بھی ائیرپورٹ پر موجود رہے
اس پراجیکٹ کے تحت حجاز مقدس جانے والے عازمین کی امیگریشن پاکستان میں ہی ہوگی.
