نیویارک : امریکی شہر فلوریڈا کے شاپنگ مال میں دھماکا ہوا جس کے نتیجے میں 20 افراد زخمی ہوئے جنہیں اسپتال منتقل کردیا گیا۔
امریکی میڈیا رپورٹ کے مطابق فلوریڈا کے مغربی علاقے پلانٹیٹن میں واقع شاپنگ مال میں زوردار دھماکا ہوا جس کے نتیجے میں ریسٹورنٹ مکمل تباہ ہوگیا۔
ہوٹل منہدم ہونے کی وجہ سے 20 افراد زخمی ہوئے جن میں سے دوکی حالت تشویشناک بتائی جارہی ہے۔ حکام کے مطابق تمام زخمیوں کو اسپتال منتقل کردیا گیا۔
شاپنگ مال میں کام کرنے والے الیکس کارور کا کہنا تھا کہ دھماکے کی آواز سُن کر ہم سمجھے کہ پوری عمارت ہی گر جائے گی کیونکہ آواز بہت زور دار تھی، ہر طرف چیخ و پکار سنائی دی ایسا لگ رہا تھا کہ اب ہماری دنیا ختم ہوچکی‘‘۔
پولیس ، ریسکیو اور فائر بریگیڈحکام نے جائے وقوعہ کا معائنہ کیا تو معلوم ہوا کہ دھماکا گیس بھرنے کی وجہ سے ہوا۔
Update: All stores and businesses in the area of the Fountains Plaza and the Plantation Marketplace plaza near LA Fitness will be shut down until futher notice until Fire Personnel can determine that it is safe to return. Please do not come into this area if possible.
— Plantation Police (@PlantationPD) July 6, 2019
پولیس آفیسر چاویز گرانٹ کا کہنا تھا کہ ہم نے شاپنگ مال میں پھنسے ہوئے تمام افراد کو ریسکیو کرلیا جبکہ زخمیوں کو اسپتال بھی منتقل کردیا گیا۔
ڈاکٹرز کے مطابق جن زخمیوں کو اسپتال منتقل کیا گیا اُن میں خواتین اور بچے بھی شامل ہیں، بیشتر افراد عمارت گرنے کی وجہ سے زخمی ہوئے جبکہ دو جائے وقوعہ پر ہی کھڑے تھے جن کی حالت بہت تشویشناک ہے۔
