واشنگٹن: وزیر اعظم پاکستان عمران خان سے امریکی وزیر خارجہ مائیک پومپیو نے ملاقات کی ہے۔
تفصیلات کے مطابق یہ اہم ملاقات پاکستان ہاؤس میں ہوئی۔ اس موقع پر شاہ محمودقریشی،سیکریٹری خارجہ سہیل محمودبھی موجود تھے، پاکستانی سفیر ڈاکٹراسدمجیدخان بھی ملاقات میں شریک ہوئے۔
وزیراعظم عمران خان آج بھی امریکا میں مصروف دن گزاریں گے، مائیک پومپیو سے ملاقات کے بعد وزیر اعظم امریکی انسٹی ٹیوٹ آف پیس میں خطاب کریں گے، یہ تقریب پاکستانی وقت کے مطابق سات بجے ہوگی.
وزیراعظم رات نوبجے امریکی میڈیا کے نمائندوں سےملاقات کریں گے، رات بارہ بجے ان کی سینیٹ کی فارن ریلیشن کمیٹی سے ملاقات ہوگی، ایک بجے وزیر اعطم کی کانگریشنل پاکستان کاکس فاؤنڈیشن سےملاقات طے ہے۔
وزیر اعظم رات دو بجے امریکی ایوان نمائندگان کی اسپیکرنینسی پلوسی سے ملاقات کریں گے۔ وزیراعظم امریکا کے کامیابی دورے کے بعد پاکستانی وقت کےمطابق صبح سوا پانچ بجے پاکستان روانہ ہوں گے.
مسئلہ کشمیرنے خطے کو70 سال سے یرغمال بنا رکھا ہے، اس کا حل ضروری ہے: وزیر اعظم
خیال رہے کہ آج وزیر اعظم نے اپنے ٹویٹ میں صدر ٹرمپ کی کاوشوں کو سراہتے ہوئے کہا تھا کہ امریکی صدر نے پاکستان اور ہندوستان کے کو مسئلہ کشمیر پر ایک میز پر لانے کی کوشش کی.
انھوں نے صدر ٹرمپ کی مہمانی نوازی کے لیے شکریہ ادا کرتے ہوئے کہا کہ اب افغانستان کے مسئلے کا حل دنیا پر واجب ہے.
