لاہور: مسلم لیگ ن کی نائب صدر مریم نواز نے مکمل خبر پڑھے بغیر اپنی ہی حکومت کو نااہل اور نالائق قرار دے دیا۔
تفصیلات کے مطابق مکمل خبر پڑھے بغیر مریم نواز کو ٹویٹ کرنا مہنگا پڑ گیا، انہوں نے اپنی ہی حکومت کو نااہل اور نالائق قرار دے دیا، مریم نواز نے صرف ہیڈ لائن دیکھی خبر کے اندر رپورٹ کی تاریخ نہ دیکھی۔
سابق وزیراعظم نواز شریف کی صاحبزادی مریم نواز نے ن لیگ کے دور کی ورلڈ بینک کی رپورٹ ٹویٹ کردی۔
رپورٹ میں بتایا گیا تھا کہ لیگی حکومت بجٹ کے اہداف حاصل کرنے میں ناکام رہی، انہوں نے ٹویٹ میں لکھا ’یہ نالائقوں اور نااہلوں کی اصل کارکردگی ہے۔‘
واضح رہے کہ مریم نواز نے غلطی کا احساس ہونے کے بعد چار گھنٹے بعد سماجی رابطے کی ویب سائٹ ٹویٹر سے اپنی ٹویٹ ڈیلیٹ کردی مگر لوگوں کی جانب سے اسکرین شاٹ پہلے ہی لے لیے گئے تھے۔
دوسری جانب سینیٹرفیصل جاوید نے سماجی رابطے کی ویب سائٹ ٹوئٹر پر مریم نواز کے ٹوئٹ کے درعمل میں کہا شاباش مریم نواز! لیگی حکومت کی نااہلی بے نقاب کرنے پر آپ تحسین کی مستحق ہیں۔
فیصل جاوید کا کہنا تھا مریم بی بی! ملکی تاریخ کی بدترین کارکردگی بے نقاب کرتی رہیں، سچ بولنے کے لئے یقیناً حوصلہ درکار ہوتا ہے، مریم بی بی آپ نے شاندار کارنامہ کیا، سلام پیش کرتے ہیں۔
مزید پڑھیں: شاباش مریم نواز! آپ نے شاندار کارنامہ کیا، سلام پیش کرتے ہیں، فیصل جاوید
رپورٹ میں واضح طورمسلم لیگ ن کے دور کا ذکرہے، جب نواز شریف وزیراعظم کے عہدے پر تھے اور یہی وہ وقت کا تھا جس کی نشاندہی ورلڈ بینک نے کی۔
عالمی بینک نے ان رپورٹس میں اس ہی دور کے زیادہ تر شعبوں کی انتہائی خراب کارکردگی کا تفصیلی جائزہ پیش کیا تھا، عالمی بینک نے یہ جائزہ یورپی یونین کےساتھ مل کرپیش کیا تھا۔
