اسلام آباد: ڈپٹی چیئرمین سینیٹ سلیم مانڈوی والا کے خلاف پیش کردہ تحریک عدم اعتمادبھی ناکام ہوگئی۔
تفصیلات کے مطابق سلیم مانڈوی والا کے خلاف قراردادکے حق میں 32 ووٹ آئے، سینیٹ کا اجلاس غیرمعینہ مدت کےلئے ملتوی کر دیا گیا۔
اپوزیشن نے ڈپٹی چیئرمین کے انتخاب میں ووٹ نہ ڈالنےکافیصلہ کیا تھا، تحریک کی کامیابی کے لئے حکومت کو 53 ارکان کے ووٹ درکار تھے۔
قبل ازیں چیئرمین سینیٹ صادق سنجرانی کے خلاف پیش کردہ تحریک عدم اعتماد کو ناکامی کا سامنا کرنا پڑا۔ اجلاس کے آغاز میں قرار داد منظور کی گئی تھی۔
آج پاکستان میں پہلی بار چیئرمین سینیٹ کے خلاف تحریک عدم اعتماد پیش کی گئی، جو ناکام رہی، تحریک کے حق میں ارکانِ سینیٹ کو کھڑے ہونے کی ہدایت کی گئی تھی، جس پر 64 ارکان نے کھڑے ہوکر تحریک کی حمایت کی تھی۔
مزید پڑھیں: چیئرمین سینیٹ صادق سنجرانی کے خلاف تحریک عدم اعتماد ناکام
البتہ قرار داد کے حق میں پچاس ووٹ پڑے اور مطلوبہ ایک چوتھائی ووٹ نہ ملنے کے سبب قرار داد مسترد کردی گئی۔
اس وقت ڈپٹی چیئرمین سینیٹ، سلیم مانڈوی والا کے خلاف تحریک عدم اعتماد پر ووٹنگ کا سلسلہ جاری ہے.
