برسلز: کشمیر کونسل یورپی یونین کے چیئرمین علی رضا سید نے بیلجیم کے وزیر خارجہ مسٹر دیدیئر ریندرس سے برسلز میں ملاقات کے دوران انہیں مقبوضہ کشمیر کی ابتر صورتحال سے آگاہ کیا۔
کشمیر میڈیا سروس کے مطابق علی رضا سید نے مسٹر دیدیئر ریندرس سے یہ ملاقات ایسے وقت میں کی جب دو دن قبل ہی یورپی پارلیمنٹ کی خارجہ امور کی کمیٹی نے اپنے ایک اجلاس میں مقبوضہ کشمیر کے لوگوں کے ساتھ ظالمانہ رویئے پر بھارت پر سخت تنقید کرتے ہوئے وہاں فافذ کرفیو ختم کرنے اور کشمیریوں کے شہری حقوق بحال کرنے کا مطالبہ کیا ہے۔
علی رضا سید نے بلجیئم کے وزیرخارجہ کو بتایا کہ بھارت کی طرف سے گزشتہ ایک ماہ سے مقبوضہ کشمیر کا محاصرہ جاری ہے۔ بے گناہ کشمیری مسلسل کرفیو کا سامنا کررہے ہیں اور علاقے میں غذائی اشیا اور ادویات کی قلت پیدا ہورہی ہے۔
ان کا کہنا تھا کہ مواصلاتی رابطہ نہ ہونے کے باعث مقبوضہ وادی ایک ماہ سے بیرونی دنیا سے کٹی ہوئی ہے۔
کشمیرصرف بھارت یا پاکستان کا ذاتی نہیں بلکہ عالمی مسئلہ ہے، برطانوی وزیرخارجہ
چیئرمین کشمیرکونسل یورپی یونین نے کہا کہ عالمی برادری خصوصاً بڑی طاقتیں آگے آئیں اور مقبوضہ کشمیر کے عوام کی جان و مال کو تحفظ فراہم کریں۔
بیلجیئم کے وزیر خارجہ مسٹرعلی رضا سید کی بات توجہ سے سنی اور کہا کہ وہ کشمیر کی صورتحال پر نظر رکھے ہوئے ہیں۔
انہوں نے اقوام متحدہ کے ہونے والے اجلاس میں شرکت کے لیے نیوریاک جانے والے ہیں جہاں کشمیر کی صورتحال بھی زیر بحث آئے گی۔
